Home អ្នកនិពន្ធ ប្រកាស​ដោយ Pu Toma

Pu Toma

1167 ប្រកាស 0 យោបល់
កណ្ដាល៖ ពិតជារន្ធត់ស្លុតចិត្ត បន្ទាប់ពីរូបភាពមួយសន្លឹកស្ទើរនឹកស្មានមិនដល់ ដោយ​ព្រះសង្ឃមួយអង្គបានសុគតភ្លាមៗនៅនឹងកន្លែង ខណៈពេលដែល​ឡើងសម្អាត​ខ្លោង​ទ្វារ​វត្ត អកុសលធ្លាក់បោកនឹងដី។ តាមរយៈគណនីហ្វេសប៊ុក កូន ខ្លាតូច បានបង្ហោះនៅមុននេះឱ្យដឹងយ៉ាងដូច្នេះថា «អាសូរ​ណាស់គុណម្ចាស់ Rip ស្រុកស្អាង ខេត្តកណ្តាល ព្រះសង្ឃ មួយអង្គបាន​ធ្លាក់​ពីលើខ្លោងទ្វារវត្តសុគតភ្លាមៗនៅនឹងកន្លែងកើតហេតុ។ លោក​បង​​ឡើង​​ទៅ​​សំអាត​​ខ្លោងទ្វារ​​វត្ត​ ឲ្យ​​ពុទ្ធ​​បរិស័ទ​​ចូល​​រួម​​ចូល​​ឆ្នាំ​ ​ក៏​​ធ្លាក់​​មក​​សុគត​​ភ្លាមៗ​។ ​នៅ​​មុន​​នេះ​​បន្តិច​។ 05.04.2020»៕
ភ្នំពេញ៖ កាលពីពេលថ្មីៗនេះ រឿងក្ដីក្ដៅគគុកមួយបានកើតឡើងរវាងតារា​សម្ដែង​ពីររូប​អ្នកនាង សំ ប៉ូលីដា និងអ្នកនាង ព្រីម មន្ថា ដោយមានការយល់ច្រឡំ​រវាងគ្នា​រហូតមាន​ការស្ដីបន្ទោសវែកញ៉េកដាក់គ្នាផ្អើលបណ្ដាញសង្គមហ្វេសប៊ុក ខណៈដែលព្រីម មន្ថា បានចោទថា សំ ប៉ូលីដា យកកាបូបរបស់ខ្លួនបន្ទាប់​ពីរួមដំណើរទៅជួប​សង្សារនៅ​ខេត្ត​ពោធិ៍សាត់ និងបានឃាត់ឲ្យដេកនៅផ្ទះ។ ប៉ុន្តែយ៉ាងណា អ្វីៗហាក់ប្រែជាប្រសើរបន្តិចបន្ទាប់ពីមានការ​សម្របសម្រួល​ពីសមាគ​មសិល្បករខ្មែរ ហើយពួកគាត់ក៏បានយល់ព្រមជួបគ្នានៅថ្ងៃទី៧ ខែឧសភា ឆ្នាំ២០២០​ខាងមុខ ដោយមានទាំងលោក ហេង ឡុង ប្រធានសមាគមសិល្បករខ្មែរផងដែរ។ តាមរយៈទំព័រហ្វេសប៊ុករបស់លោក ហេង ឡុង នៅមុននេះបានបង្ហោះយ៉ាងដូច្នេះថា «ក្រោមការសម្របសម្រួលរបស់សមាគមសិល្បករខ្មែរ និងដោយមានការ​យល់ច្រឡំ​រវាង​អ្នកនាង សំ ប៉ូលីដា និងអ្នកនាង ព្រីម មន្ថា ពួកគាត់យល់ព្រមជួបជាមួយខ្ញុំបាទ​នៅថ្ងៃទី៧ ខែឧសភា ឆ្នាំ២០២០»៕
ភ្នំពេញ៖ ស្របពេលដែលប្រទេសកំពុងជួបគ្រោះអាសន្ន ប្រជាពលរដ្ឋភ័យ​ព្រួយ​នឹង​មេ​រោគរាតត្បាតម្នាក់​ៗរិះរកគ្រប់វិធីដើម្បីការពារខ្លួន ព្រមធ្វើតាមការណែ​នាំរបស់​ក្រសួង​សុខាភិបាលដែលអំពាវនាវជារឿយៗមិនដែលខានក្នុងការទប់ស្កាត់នៃវីរុសកូវីដ១៩នេះ ក៏ស្រាប់តែលេចមុខគ្រូទាយអាគមអូមអាមផ្លំផេះមិនហុយជាច្រើនរូប ដូចជាគ្រូល្បីរូប​សង្ហារអាគ្គីនេត ទើបនឹងចាប់ខ្លួនកាលពីថ្មីៗនេះ។ ទន្ទឹមនឹងនោះដែរ គ្រូអាគមថ្មីរហ័សនាម «គ្រូអាគមបញ្ញើក្អែក» មានខ្សែកការពារ​កូវីដ​១៩​មួយរយភាគរយ ត្រូវបានសមត្ថកិច្ចចុះចាប់ខ្លួន ដោយយោងតាម​រយៈគណ​នី​ហ្វេស​ប៊ុកស៊ីម ចាន់ស៊ី បានបង្ហោះនៅមុននេះឱ្យដឹងយ៉ាងដូច្នេះថា «ម្នាក់ទៀតហើយ នាំខ្លួន​គ្រូអាគមម្នាក់ក្រោយបង្ហោះលក់ខ្សែកបញ្ញើក្អែកស្នោការពារជំងឺកូវីដបាន១០០% និង​សមត្ថកិច្ចធ្វើការរុះរើអាស្រមចោលតែម្តងឈប់ឲ្យទាយបោកប្រាស់​ទៀត»៕
ភ្នំពេញ៖​ យោងតាមសេចក្ដីជូនដំណឹងរបស់ក្រសួង​សុខាភិបាលនៅមុននេះ​បាន​ឱ្យ​ដឹង​ថា នៅព្រឹកថ្ងៃទី៥ ខែមេសា ឆ្នាំ២០២០នេះ មិនមានអ្នកឆ្លងកូវីដ១៩ថ្មីនោះឡើយ ប៉ុន្តែ​អ្នក​ជាសះស្បើយមានម្នាក់បន្ថែម ធ្វើឱ្យចំនួនជាសះស្បើយកើនដល់៥០នាក់ហើយ។ ជ្រាបច្បាស់សូមអានសេចក្ដីប្រកាសខាងក្រោម៖
ភ្នំពេញ៖ ក្នុងឃ្លីបវីដេអូប៉ុន្មាននាទីប្រធានគណបក្សយុវជនកម្ពុជាឯកឧត្ដម ពេជ្រ ស្រស់ បា​ន​រៀប​​រាប់ទាំងក្ដុកក្ដួលអួលដើមកលាយលំទឹកភ្នែក វែកញ៉ែកពីក្ដីឈឺចាប់ ដ្បិត​មិន​អាចជួយអ្វីបានដល់ពលរដ្ឋដែលកំពុងរងទុក្ខលំបាកនឹងបំណុលធនាគារ ស្រប​ពេល​ដែល​ប្រទេសកំពុងជួបគ្រោះមេរោគរាតត្បាតនេះ។ ដោយលោកឯកឧត្ដម ពេជ្រ ស្រស់ បានរៀបរាប់ថា «វាពិតជាពិបាកណាស់ ហើយ​លោក​​ពិតជាមានអារម្មណ៍សោកស្ដាយយ៉ាងខ្លាំង និងឈឺចាប់បំផុតជំនួសបង​ប្អូន​ប្រ​ជា​ពលរដ្ឋ ដ្បិតលោកមិនអាចជួយអ្វីបាន ព្រោះមិនមានអំណាច​អាច​ធ្វើការ​ហ្នឹង»។ ប៉ុន្តែ​ក្នុង​នោះដែរ ប្រធានគណបក្សយុវជនកម្ពុជារូបនេះ បានបន្តដោយ​ជំហរទៀតថា​មិនចុះ​ចាញ់ដាច់ខាត ដោយនឹងតស៊ូជាមួយបងប្អូនរហូតដល់ទីបញ្ចប់៕  
ភ្នំពេញ៖ នៅមុននេះលើទំព័រហ្វេសប៊ុករបស់ក្រសួងសុខាភិបាល បានចេញ​សេចក្ដីប្រ​កាសដំណឹងល្អសម្រាប់បងប្អូនពលរដ្ឋទូទាំងប្រទេស ខណៈដែលថ្ងៃទៅ៤ ខែមេសា ឆ្នាំ២០២០នេះ កម្ពុជាមិនមានអ្នកឆ្លងកូវីដ១៩ថ្មីនោះឡើយ​ ប៉ុន្តែមានអ្នក​ជាសះស្បើយ​រហូតដល់១៥នាក់បន្ថែម។ ជ្រាបច្បាស់សូមអានសេចក្ដីប្រកាសខាងក្រោ​ម ៖
ភ្នំពេញ៖ មហាជនភ្ញាក់ផ្អើលយ៉ាងខ្លាំងកាលពីរាត្រីថ្ងៃទី០៣ ខែមេសា ឆ្នាំ២០២០ យប់​មិញនេះ បន្ទាប់ពីប្រធានគណបក្សយុវជនកម្ពុជាលោកឯកឧត្ដម ពេជ្រ ស្រស់ សម្រក់​ទឹកនៅមុនទូរស័ព្ទកំពុងឡាយ​វីដេអូមនុស្សទស្សនារាប់សិបនាក់ ខណៈ​សោក​ស្ដាយ​យ៉ាង​ខ្លាំងនិយាយមិនស្ទើរមិនចេញនឹងរឿងដែលធនា​គារមិនទាន់​អនុគ្រោះ​បង់បំណុល​ដល់ពលរដ្ឋ ស្របពេលដែលប្រទេសកំពុងវឹកវរមេរោគរាតត្បាត នឹងកំពុងប្រឈម​ប្រ​កាស​អាសន្នថែមទៀតផងនោះ។ ក្នុងឃ្លីបវីដេអូប៉ុន្មាននាទីប្រធានគណបក្សយុវជនកម្ពុជាឯកឧត្ដម ពេជ្រ ស្រស់ បា​ន​រៀប​​រាប់ទាំងក្ដុកក្ដួលអួលដើមកលាយលំទឹកភ្នែកថា «វាពិតជាពិបាកណាស់ ហើយ​លោក​ពិតជាមានអារម្មណ៍សោកស្ដាយយ៉ាងខ្លាំង និងឈឺចាប់បំផុតជំនួនបង​ប្អូន​ប្រ​ជា​ពលរដ្ឋ ដ្បិតលោកមិនអាចជួយអ្វីបានសោះ ព្រោះខ្លួនមិនមានអំណាច​អាច​ធ្វើការ​ហ្នឹង»។ គួររំលឹកថា ឯកឧត្ដមពេជ្រ ស្រស់ ធ្លាប់បានអំពាវនាវដល់ធនាគារជាតិនូវវិធាន​ការមួយចំនួន ស្នើដល់គ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុអនុគ្រោះបន្ធូរ​បន្ថយដល់ពលរដ្ឋដែលជំពាក់បំណុល ខណៈដែលវីរុស Covid-19 កំពុងតែ​រាតត្បាត​នេះផងដែរ។ https://www.facebook.com/watch/?v=1416085745232164
ភ្នំពេញ៖ ពិតជាទុក្ខផ្ទួនៗមែន បន្ទាប់ពីអ្នកម្ដាយជាទីស្រលាញ់បណ្ដូលនៃជីវិតបានចែក​ឋានមិនទាន់ទាំងធ្វើបុណ្យរួចរាល់ស្រួលបួលផង ស្រាប់តែពេលនេះតារាសម្ដែង សូដា នីតា បានទម្លាយទុក្ខថ្មីបង់ប្រាក់ជិត៧ពាន់ដុល្លារ ដោយត្រូវអ្នកដឹកនាំសម្ដែង​ប្រចាំ​ផលិត​​កម្មផោនលោក Rith Omega ខ្ចី ប៉ុន្តែហួសពេលកំណត់សន្យានឹងគ្នាបែរ​ប្រងើយ​មិនចេញមុខសង ខណៈនៅមុននេះប្រកាសទារផ្អើលបណ្ដាញសង្គម។ តាមរយៈទំព័រហ្វេសប៊ុករបស់តារាសម្ដែងមុខស្រស់រូបនេះផ្ទាល់បានបង្ហោះសំណេរឱ្យដឹងយ៉ាងដូច្នេះថា «នាងខ្ញុំ សូ ដានីតា សូមប្រកាសរក ឈ្មោះ (Rith Omega) ចេញ​មុខ​មកដកដោះស្រាយលុយចំនួន 6500$ ព្រោះបំពានសន្យា ដែលមានស្នាម​មេដៃជាច្រើន​ដងហើយ ដោយតេមិនលើកបិទទូរសព្ទ័ បើមិនចេញមកខ្ញុំដាក់បណ្តឹង ឡើង​ដល់តុលា​ការ»៕
ព្រះសីហុន ៖ លើបណ្ដាញសង្គមមានការចែករំលែកវីដេអូខ្លី បង្ហាញបុរសស្រ្តីជន​ជាតិ​ចិនដេញកាប់គ្នា ដូចក្នុងរឿងកាប់ដាវចិន ។ ខណៈក្នុងវីដេអូនោះ ក៏បន្លឺសំឡេង​ពីអ្នក​ថតថា មើលចិនប្រពន្ធដេញកាប់»។ វីដេអូដែលបង្ហាញពីហឹង្សាគ្រួសារ​ពីប្តីប្រពន្ធ​ជន​ជាតិចិន មិនញញើតរអារអាជ្ញាធរ​ខ្មែរ​ម្ចាស់ប្រទេស ត្រូវបានបង្ហោះលើហ្វេសប៊ុកឈ្មោះ Sad Story ក្រៅពីប្រើ​សំ​ឡេង​«ស្ត្រី​ជនជាតិចិនដេញកាប់ប្ដី» មិនបានប្រាប់​លម្អិតអំ​ពីបញ្ហាមូល​ដែល​បណ្ដាល​ឱ្យកើត​ជាជម្លោះចង់ស៊ីសាចហុតឈាមនិងថា នៅទីតាំង​ស្រុក​ណាឬខេត្តណាទេ ក្រៅពីថត​ចូលក្នុងវីដេអូ ឃើញនៅមុខផែស្ងួតសូងួន ជាអ្នក​អក្សរខ្មែរច្បាស់ៗ។ បងប្អូនមិនខ្លាច​ឈាមអាចចូលទស្សនាបាន និងតាម​ដានក្នុង​វីដេអូនេះ។ https://www.facebook.com/Sadstory2h/videos/533129604275423/?t=107
ភ្នំពេញ៖ យោងតាមសេចក្ដីប្រកាសរបស់ក្រសួងសុខាភិបាលប្រកាសនៅមុននេះ កម្ពុជា​បានរកឃើញអ្នកឆ្លងជំងឺកូវីដ១៩ ៤ករណីបន្ថែមទៀត ក្នុងនោះមានជន​ជាតិ​បារាំង៣នាក់ និងម៉ាឡេស៊ីម្នាក់ ខណៈទារកម្នាក់អាយុ៤ខែបានជាសះស្បើយ ធ្វើឱ្យ​ទិន្នន័យអ្នកឆ្លងសរុបកើនដល់១១៤ និងជាសះស្បើយសរុបកើនដល់៣៥នាក់។ សូមអានសេចក្ដីប្រកាសខាងក្រោម៖