Home អ្នកនិពន្ធ ប្រកាស​ដោយ Pu Toma

Pu Toma

1253 ប្រកាស 0 យោបល់
ភ្នំពេញ៖ បន្ទាប់ពីមានការចុះផ្សាយនៅលើបណ្ដាញសង្គមជាច្រើនថា ក្រសួងពាក់ព័ន្ធ នឹងអនុញ្ញាតឱ្យសាលាទាំងអស់ បើកដំណើរការបង្រៀនឡើងវិញ ដោយសារតែ​ស្ថាន​ភាពជំងឺកូវីដ១៩ នៅក្នុងប្រទេសកម្ពុជា បានធូរស្បើយច្រើន ដែលធ្វើឱ្យមាតាបិតា​សិស្សមានការភាន់ច្រឡំក្នុងប្រទេសកម្ពុជា។ ប៉ុន្តែតាមការចុះផ្សាយព័ត៌មានរបស់ទូរទស្សន៍ជាតិ ឯកឧត្តមម៉ម ប៊ុនហេង បាន​បញ្ជាក់​យ៉ាងដូច្នេះថា «ក្រសួងសុខាភិបាល មិនទាន់មានវិធានការ ដើម្បីស្នើទៅ​ក្រសួង​អប់រំ​ឱ្យ​បើកសាលាឡើងវិញទេ ទោះបីជាមិនមានអ្នកឆ្លងជំងឺកូវីដ១៩ថ្មី នៅកម្ពុជាក៏ដោយ ហើយ​ការអនុញ្ញាតឱ្យសាលាបើកឡើងវិញ គឺជាសមត្ថកិច្ចរបស់ក្រសួងអប់រំ យុវជន និងកីឡា» ។ មិនតែប៉ុណ្ណោះ ឯកឧត្តមបានបន្តទៀតថា ទោះបីជាស្ថានភាពជំងឺកូវីដ ១៩ នៅក្នុងប្រទេសកម្ពុជា មានភាពធូរស្បើយ ប៉ុន្តែក្រសួងមិនបាន​បន្ធូរវិធានការ​ណាមួយ​ឡើយ ហើយក្រសួងនៅតែអំពាវនាវដល់ប្រជាពលរដ្ឋទាំងអស់ អនុវត្តវិធានការរបស់​រាជរដ្ឋាភិបាល និងក្រសួងសុខាភិបាល ក្នុងការបង្ការ និងការពារខ្លួន កុំឱ្យ​មានឆ្លង​ជំងឺ​កូវីដ១៩៕
ភ្នំពេញ៖ តារាកំប្លែងតែងបង្កសំណើចសើចមិនចេះរីងស្ងួតដល់ទស្សនិកជន ដែល​អ្នក​គាំ​ទ្រដាក់រហ័សនាមជាបុរសកំពូលសំណាងមានភិរយាស្រស់ស្អាតគួរនែបនិត្យ សាច់​សខ្ចីដូចអន្លក់ ថែមមានសុភង្គលក្នុងគ្រួសារមិនធ្លាប់ឮអាស្រូវ ទំនាស់ពាក្យសម្ដីអ្វីឡើយ បើទោះជាអាជីពជាអ្នកសិល្បៈមួយរយៈចុងក្រោយនេះ ស្ងាត់មិនសូវមានហាងឆេងក្ដី។ ប៉ុន្តែប៉ុន្មានម៉ោងមុននេះ ស្រាប់តែមានការភ្ញាក់ផ្អើលយ៉ាងខ្លាំងពេញបណ្ដាញសង្គម ខណៈ​លើគណនីរបស់តារាកំប្លែង នាយចយ បង្ហោះសារដ៏ក្រៀមក្រំបំផុត ដោយ​ជួប​ទុក្ខធំលោកយាយទទួលមរណភាពហើយ។ ក្នុងនោះអ្នកគាំទ្រជាច្រើន ក៏ដូចជា​មិត្តអ្នក​សិល្បៈរួមអាជីព បានសម្ដែងការសោកស្ដាយពេកក្រៃ និងចូលរួមរំលែកទុក្ខផងដែរ៕
ភ្នំពេញ៖ ផ្ទុះការចែករំលែកពេញបណ្ដាញសង្គមហ្វេសប៊ុក ពិធីមង្គលការមួយផ្អើល​ស្រុក​ទេស ខណៈកូនក្រមុំជាមេម៉ាយកូន៣ ប៉ះកំលោះសាច់ដុំមិនខ្វល់ពីអតីតកាល ដ្បិត​កើតក្ដីស្រលាញ់ស្ម័គ្រស្មោះប្ដូរផ្ដាច់ រក្សាគ្នាដល់ចាស់កោងខ្នង ខណៈមហាជន​លាន់​មាត់សរសើរកូនកំលោះបុរសមានសំណាង ដូចពាក្យចាស់តែងនិយាយ «រៀបការ​រួច​មានកូនប្រើស្រាប់»។ ដោយយោងតាមរយៈគណនីហ្វេសប៊ុក Da Van បានបង្ហោះក្នុងសំណេរអមរូបភាព​កៀក​កើយក្នុងពិធីមង្គល ព្រមកូន៣យ៉ាងដូច្នេះថា «កូនក្រមុំម៉េម៉ាយកូនបីមានអីមិនល្អ មានកូនប្រើស្រាប់មានមនុស្សប្រុសប៉ុន្មាននាក់ដែរមិនខ្វល់អតីតកាលទាំងដែរមនុស្សដែរខ្លួនស្រលាញ់មានអាយុបងជាងខ្លួនហើយមានកូនដល់ទៅបី? ចម្លើយគឺមកពី​មនុស្ស​​ស្រីម្នាក់នេះជាមនុស្សស្រីដែររឹងមាំធ្លាប់ធ្លាក់ដល់ចំណុច​សូន្យតែនៅ​តែក្រោក​ឈរចិញ្ចឹមកូនទាំងបីមិនអោយពិបាក ហើយមនុស្សស្រីម្នាក់នេះមិនរស់ដោយ​សារអ្នក​ណា មិនលាដៃសុំលុយអ្នកណា មិនទន់ជ្រាយ មើលតែស្នាមញញឹមកូនៗទៅថា​ស្រលាញ់​ប៉ាៗគេខ្លាំងប៉ុន្នា»៕
ភ្នំពេញ៖ ពន្លឺយុត្តិធម៌ចាប់ផ្ដើមបញ្ចេញរស្មីសម្រាប់ក្រុមគ្រួសារ ប្រពន្ធកូន នៃបុរសជន​រងគ្រោះ​ជាកម្មកររោចក្រដែលបានស្លាប់យ៉ាងអា​ណោចអាធ័មក្រោម​ដំណក់ទឹកភ្លៀង​នាពេលរាត្រី ខណៈជិះម៉ូតូចេញពីធ្វើការបំណងទៅរកប្រពន្ធកូនកំពុងរងចាំនៅផ្ទះ តែអកុសលត្រូវបានរថយន្ដមានតម្លៃ ស្លាកលេខ ខ.ម ប្រល័យជីវិតត្រឹមកណ្ដាលផ្លូវ ហើយរត់គេចមិនទទួលខុសត្រូវ កាលពីពីថ្ងៃទី២៥ ខែមេសា ឆ្នាំ២០២០ ស្ថិតនៅផ្លូវ ២០០៤ ខណ្ឌពោធិ៍សែនជ័យ ដោយពេលនេះក្រុមគ្រូសារជនបង្កបានចូលខ្លួន​មកដោះស្រាយហើយ។ ដោយយោងតាមគណនីហ្វេសប៊ុករបស់លោក San Prum បានបង្ហោះឱ្យដឹងនៅមុន​នេះយ៉ាងដូច្នេះថា «ដំណឹងល្អ ភាគីគ្រួសារជនបង្ក ដែលបើកឡាន ខ.ម បុកប្អូនប្រុស វងរដ្ឋា ស្លាប់យ៉ាងអណោចអធម៌ ឥឡូវបានចូលខ្លួនមកដោះស្រាយហើយ អគុណបង​ប្អូន​ទាំងអស់គ្នាដែលចូលរួម ជាថវិការ ឡាយ នឹងស៊ែរ..! ទង្វើល្អមិនសាប​សូន្យនោះ​ទេ»។
ភ្នំពេញ៖ ហេតុការណ៍ដ៏រន្ធត់ និងមហាសែនសង្វេក បុរសជាកម្មកររោចក្រម្នាក់បាន​ស្លាប់​យ៉ាងអាណោចអាធ័មបំផុត ក្រោមដំណក់ទឹកភ្លៀងនាពេលរាត្រី ខណៈជិះម៉ូតូ​ចេញ​ពីធ្វើការបំណងទៅរកប្រពន្ធកូនកំពុងរងចាំនៅផ្ទះ តែអកុសលត្រូវបាន​រថយន្ដ​មាន​តម្លៃអ្នកចេះច្បាប់ ស្លាកលេខ ខ.ម ប្រល័យជីវិតត្រឹមកណ្ដាលផ្លូវកាលពីថ្ងៃទី២៥ ខែមេសា ឆ្នាំ២០២០ ស្ថិតនៅផ្លូវ ២០០៤ ខណ្ឌពោធិ៍សែនជ័យ។ ទន្ទឹមនឹងនោះ អ្នកធ្វើ​ដំណើរជាច្រើន ពិសេសអ្នកនៅក្បែរកន្លែងកើតហេតុដង្ហើយស្រ​ណោះជនរងគ្រោះ​ដែល​ដេកស្លាប់ក្បែរកង់ឡាន ហើយត្រូវជនបង្ករចិត្តព្រៃ​ផ្សៃរូបនេះ​មិនអើពើ ត្រឹមលើក​ម៉ូតូ​ចេញផ្លូវ រួចបើករត់គេចបាត់ស្រមោល មិនទទួលខុសត្រូវ។ ប៉ុន្តែនៅមុននេះមុខមាត់ពិតរបស់ជនសង្ស័យត្រូវបានបង្ហាញ ដោយលើទំព័រហ្វេសប៊ុក​របស់លោក ផេង វណ្ណៈ បានរៀបរាប់ភ្ជាប់ទាំងសំណេរយ៉ាងដូច្នេះថា «រកមុខម្ចាស់​រថ​យន្ដ Ford លេខ ខម ឃើញហើយ ម្ចាស់រថយន្ត Ford លេខ ខម ត្រូវបានអ្នក​ស្រលាញ់​យុត្តិធម៌ ផ្ញើរូបមកអោយខ្ញុំចុះផ្សាយដើម្បីអោយបុគ្គលរូបនេះចូល​ខ្លួនមកដោះស្រាយ​សំណងជូនជនរងគ្រោះ ជាកម្មកររោងចក្រដែលបានស្លាប់ក្នុងហេតុការណ៍​គ្រោះថ្នាក់​ចរាចរណ៍ កាលពីយប់ថ្ងៃទី ២៥ ខែ មេសា ឆ្នាំ ២០២០ នៅផ្លូវ ២០០៤ ខណ្ឌ...
ភ្នំពេញ៖ ប៉ុន្មានម៉ោងមុននេះ លើទំព័រហ្វេសប៊ុក Youth Save Cambodian បានបង្ហោះ​រូបភាពប៉ុន្មានសន្លឹកឃើញហើយពិតជារន្ធត់អាណិត ដ្បិតស្ត្រីម្នាក់បាន​ជួបឧបទ្ទវហេតុ​ផ្ទុះ​ហ្គាសរបួសធ្ងន់ ខណៈដែលស្ថានភាពគ្រូសារកំពុងតែជួបការខ្វះខាតយ៉ាងខ្លាំង គ្មានប្រាក់​បង់ថ្លៃព្យាបាលបញ្ជូលមកផ្ទះវិញដេកឈឺលើកន្ទេល ព្រមកូនចំនួន៣នាក់​ដែលជាបន្ទុកត្រូវរកស៊ីចិញ្ចឹម បានញាតិជិតខាងសន្ដោសប្រណីផ្ដល់អាហារ។ ក្នុងរូបភាពដេកស្ដូកស្ដឹងមិនដឹងខ្លួនលើគ្រែពេទ្យ ប្រភពខាងលើបានរៀបរាប់ភ្ជាប់​សំណេរ​ក្នុងបំណងសុំការសន្ដោសពីសប្បុរសជនជួយតាមសន្ធារយ៉ាងដូច្នេះថា «អា​ណិតគ្នា​ណាស់បងប្អូនអើយជួយស៊ែរយកតែបុណ្យទៅ ដើម្បីអោយសប្បុរសធម៌​បាន​ឃើញជួយផ្តល់ជាថវិកាបន្តិចបន្តួចដល់គ្នាផង គ្នាកូនបីនៅក្នុងបន្ទុក គ្មានសាច់ជាតិ​បងប្អូនទេ ចៃដន្យមានគ្រោះថ្នាក់ដោយសារហ្គាសផ្ទុះ ឥលូវនេះអត់លុយព្យាបាលទេ បញ្ចូនមកផ្ទះវិញហើយ ដេកទាំងឈឺរលាកនៅលើកន្ទេលងើបមិនរួចទេ រីឯកូនៗវិញ​បានអ្នកជិត​ខាងអោយបាយញុំសិន។ បើគាត់មិនជាទេ មិនដឹងកូនៗរកបាយ​ឯណា​បានញុំទេ ព្រោះកូននៅតូចៗ មិនអាចរកស៊ីធ្វើអីបានទេ រាល់ថ្ងៃពឹងម្តាយជាអ្នកធ្វើ​ការចញ្ចឹម តែឥលូវម្តាយមានគ្រោះថ្នាក់ ត្រូវការជំនួយពីសប្បុរសធម៍អោយជួយ តិចក្តីច្រើនក្តី សូមជួយគាត់តាមសន្ធារផងចុះ អាណិតណាស់ អត់លុយដេកពេទ្យទេ រីឯកូនៗវិញមិនមានអ្នកណាមើលថែទេ សូមបងប្អូនមេត្តាជួយគាត់ម្នាក់បន្តិចផងចុះ ម្នាក់1$-5$-10$-20$ ក្តី សូមជួយគ្នាយកតែបុណ្យផងចុះ 010278872 លេខ អ្នកជិតខាង»៕
ភ្នំពេញ៖ ឃាតកឈាមត្រជាក់ ចិត្តឃោរឃៅជាងសត្វតិរិច្ឆានម្នាក់ ត្រូវបាន​សមត្ថកិច្ច​ឃាត់​ខ្លួនវាយ​ខ្នោះ​ កាលពី​១០:០០ នាទីថ្ងៃទី២៨ ខែមេសាឆ្នាំ ២០២០ ស្ថិតនៅបន្ទប់ផ្ទះ​ជួលជាន់​ទី៣មួយកន្លែង នៅក្នុងភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជ​ធានីភ្នំពេញ បន្ទាប់ពីចាប់រំលោភរួចសម្លាប់បំបិទមាត់​ស្ត្រីជាកម្មកររោងចក្រ​ម្នាក់ក្នុង​បន្ទាប់ជួល។ គួរបញ្ជាក់ផងដែរថា កាលពីវេលាម៉ោងជាង៧ព្រលប់ថ្ងៃទី២៨ ខែមេសា ឆ្នាំ២០២០ មាន​ការ​ប្រទះឃើញ​ស្ដ្រីម្នាក់ដេកស្លាប់ក្នុងថ្លុកឈាមទាំងអាក្រាតកាយល្វែងខាងក្រោម នៅ​ក្នុងបន្ទប់ជួលជាន់ទី២ ស្ថិត​​ក្នុងភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ ដែល​ធ្វើ​ឱ្យ​មាន​ការភ្ញាក់ផ្អើល​យ៉ាង​​ខ្លាំង ហើយ​​ប្រភពក៏បានបញ្ជាក់ថា ស្រ្តីរងគ្រោះឈ្មោះ​ ស៊ាត ស៊ន អាយុ២៨ឆ្នាំ មានទីលំនៅ​ភូមិចារ ឃុំព្រៃរំដេង ស្រុកមេសាងខេត្តព្រៃវែង៕
ព្រៃវែង៖ មហាជនស្ទើរតែទប់ទឹកភ្នែកមិនបាន ខណៈស្ដាប់ការរៀបរាប់យុវ​ជនពិការដៃ​ឈ្មោះ វួន វណ្ណា ដែលជាក្មេងកំព្រាម្ដាយស្លាប់ចោលតាំងពីអាយុ៧ខែមិនទាន់ដឹងក្ដី ហើយ​ខំប្រឹងប្រែងស្វែងបន្តជីវិតជាមួយជីតារហូតធំពេញវ័យ តែត្រូវជួបរឿងអកុសល​ខ្សែភ្លើងឆក់បណ្ដាលឱ្យពិការដៃ ខណៈទៅធ្វើការសំណង់ផ្សាដែក។ ប៉ុន្តែ ទោះជាបែប​នេះក្ដី យុវជន វួន វណ្ណា បានប្ដេជ្ញាយ៉ាងមុតមាំថាមិនដើរសុំទានគេនោះឡើយ តែសុខ​ចិត្តអង្គុយលក់ផលិតផលយកប្រាក់កម្រៃចិត្តចិញ្ចឹមអាត្មា និងជីតាអាយុជិត៩០ នៅជា​មួយ។  នេះបើតាមទំព័រហ្វេសប៊ុកស្រីស្រស់ចិត្តបុណ្យ ទ្រី ដាណា បានបង្ហោះឱ្យដឹងយ៉ាង​ដូច្នេះ​ថា «បើគិតថាជីវិតអ្នកទាំងអស់គ្នាកំពុងជួបការលំបាក មើលប្អូនប្រុសម្នាក់នេះចុះ សួរ​គាត់​ត្រួសៗដឹងរឿងខ្លះ ក្រពេកម្ដាយស្លាប់ចោលតាំងពីអាយុ ៧ខែ។ រស់នៅជា​មួយ​ជីដូន ជីតា នៅបាភ្នំ ព្រៃវែង ចិញ្ចឹមតាំងពីមិនទាន់ដឹងក្ដី ឯឪពុកមានប្រពន្ធថ្មី ទៅរស់នៅ​ផ្សេង ជួយបានអង្ករ និងលុយកាក់ខ្លះប្រចាំខែ។គាត់រៀនបានត្រឹមថ្នាក់ទី៣ ទេ គ្មាន​លុយ​កាក់រៀនត ក៏ទៅធ្វើការសំណង់ឱ្យគេតាំងពីអាយុជាង ១០ឆ្នាំ កាលឆ្នាំ២០១៦ នោះ មិនប្រយ័ត្ន ឆក់ភ្លើងនៅជាន់ទី៤ ធ្លាក់មកដល់ដី តែជីវិតថ្លៃមិនស្លាប់ ទៅអកុសល​ជីដូនវិញលោកអើយ ដឹងថាចៅចឹង ក៏គាំងបេះដូងសន្លប់...
បាត់ដំបង៖ ព្រោះតែជីវភាពក្រីក្រឬយ៉ាងណា ទើបលោកយាយអាយុ៧៥ឆ្នាំម្នាក់ រស់​នៅ​ក្នុងរ៉ាចង្រុក ភូមិកំពង់ក្របី សង្កាត់ស្វាយប៉ោ ក្រុងបាត់ដំង បែក​គំនិត​ប្រកបរបរ​ខុស​ច្បាស់សង្គមស្អប់ ដោយបានជាប់ងារក្លាយជាមេដូរគ្រឿងញៀនដ៏កក្រើកពេញស្រុក ខណៈលោកវរសេនីយ៍ឯក ឆាង វណ្ណឆៃ អធិការនគរបាលក្រុងបាត់ដំបង កម្លាំងជំនាញ​ផ្នែក​ប្រឆាំងគ្រឿងញៀន សហការកំលាំងអន្តរាគមន៍នែអធិការដ្ឋាននគរ​បាលក្រុង​បាត់​ដំបង បានចុះកាបង្រ្កាប និងចាប់ខ្លួន កាលពីថ្ងៃទី ២៧ ខែមេសា ឆ្នាំ២០២០ម្សិល​មិញ​នេះ។ ក្រោយចាប់ខ្លួន ជនសង្ស័យត្រូវបានសមត្ថកិច្ចឲ្យសារព័ត៌មានដឹងថា ឈ្មោះ វិន តឿ ហៅ យាយតឿអាយុ ៧៤ឆ្នាំ មានទីលំនៅ ក្នុងរ៉ាចង្រុក ភូមិកំពង់ក្របី សង្កាត់ស្វាយប៉ោ ក្រុងបាត់ដំង ខេត្តបាត់ដំបង។ ដោយក្នុងនោះ សមត្ថកិច្ចធ្វើការដកហូតវត្ថុតាងរួមមាន ថ្នាំញៀនម៉ាទឹកកក(ICE) ចំនួន៤ ថង់ ទម្ងន់ ១៦.៥៨ ក្រាម ទាំងសំបក និងកូនថង់សំរាប់​រំលែក​ច្រកថ្នាំញៀនលក់ មួយចំនួន។ បច្ចុប្បន្នវត្ថុតាងនិងជនសង្ស័យបានបញ្ជូន​ទៅ​ការិយា​ល័យគ្រឿងញៀននៃស្នងការដ្ឋាននគរបាលខេត្តបាត់ដំបង ដើម្បីចាត់ការបន្ត​តាម​នីតិវិធីច្បាប់។
ភ្នំពេញ៖ សូមបងប្អូនមេកមត្តាប្រុងប្រយ័ត្នឱ្យបានខ្ពស់ ខណៈនៅមុននេះ​បន្តិចក្រ​សួង​ឧតុនិយម និងធនធានទឹក បានប្រកាសអំពាវនាវឱ្យបានដឹង ដោយកម្ពុជានឹងមានភ្លៀង​ធ្លាក់៧ថ្ងៃជាប់គ្នាក្នុងចន្លោះខែមេសា និងខែឧសភាចាប់ពីថ្ងៃស្អែកនេះ។ ការបញ្ជាក់របស់ក្រសួងធនធានទឹក ក្រសួងបានធ្វើការតាមដានយ៉ាងយកចិត្តទុកដាកពី​ស្ថានភាពអាកាសធាតុជាបន្តបន្ទាប់ និងសង្កេតឃើញថា ជ្រលងនៃសម្ពាធខ្ពស់ពីប្រ​ទេស​ចិន មានឥទ្ធិពលខ្សោយគ្របដណ្តប់លើកម្ពុជាផងដែរ។ ជាមួយគ្នានោះ ក្រសួង​ធន​ធានទឹក និងឧតុនិយម ក៏បានអំពាវនាវដល់បងប្អូនប្រជាពលរដ្ឋទាំង​អស់​មេត្តា​ប្រុង​ប្រយ័ត្នខ្ពស់ចំពោះបាតុភូតផ្គរ រន្ទះ និងខ្យល់កន្ត្រាក់ដែលអាចកើត​មានឡើង​ជាយក​ថា​ហេតុ នៅតាមបណ្តាខេត្តជាប់សមុទ្រ ចាប់ពីថ្ងៃទី២៩ ខែមេសា ដល់ថ្ងៃទី១ ខែឧសភា ខាងមុខនេះ៕