Home អ្នកនិពន្ធ ប្រកាស​ដោយ So Danin

So Danin

449 ប្រកាស 0 យោបល់
ភ្នំពេញ៖ ខណៈពេលដែលវីរុស កូវីដ១៩ កំពុងមានការឆ្លងរាលដាលនៅកម្ពុជា រហូតមានអ្នកផ្ទុកជំងឺនេះដល់ ១១៤ករណី ទើបប្រមុខថ្នាក់ដឹកនាំ បានសម្រេចឱ្យផ្អាកការកម្មវិធីប្រគំតន្រ្តីនៅតាមទីធ្លាសាធារណៈ , ការជួបជុំបែបសាសនាគ្រប់ប្រភេទ, ហាងខារ៉ាអូខេ ប៊ីហ្គាឌែន ដែលមានមនុស្សច្រើនកុះករ នៅទូទាំងប្រទេស, សារមន្ទីរ សូម្បីតែព្រះបរមរាជវាំង ក៏ផ្អាកអោយភ្ញៀវទេសចរណ៍ជាតិ និងអន្តរជាតិ ចូលដែរ ការធ្វើបែបនេះគឺដើម្បីបង្កាការឆ្លងរាលដាលវីរុសនេះជាសហគមន៍ផងដែរ។ ស្រាប់តែមុននេះ នៅលើទំព័រហ្វេសប៊ុក Pheng Vannak News បានបង្ហោះរូបភាពជាច្រើនសន្លឹកបង្ហាញពីករណី ក្រុមអ្នកញៀនល្បែងបញ្ជល់មាន់ លួចលាក់ប្រមូលផ្ដុំគ្នាជល់មាន់យ៉ាងច្រើនកុះករនៅក្បែរស្ពានអាកាសពេទ្យព្រះសង្ឃ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ក្នុងនោះផងដែរ ប្រភពដដែលបានបន្តថា« ពួកអ្នកញៀនល្បែងទាំងនេះហាក់គ្មានខ្លាចឆ្លងជំងឺកូវីដ១៩ សោះ និងបានបំពានយ៉ាងងងើលចំពោះបំរាមប្រមូលផ្ដុំគ្នារបស់អាជ្ញាធរ និងក្រសួងសុខាភិបាល ។បើតាមអ្នកដែលបានចូលទៅលេងនៅទីនោះបានអោយដឹងថា ម្ចាស់ទីតាំងខាងលើបានបង់លុយជូនសមត្ថកិច្ច និង អាជ្ញាធរ មូលដ្ឋានរួចហើយ ទើបពួកគេលេងបានយ៉ាងរលូនបែបនេះ»៕
ភ្នំពេញ៖ នៅលើគណនីហ្វេសប៊ុក Neang Smeiya បានបង្ហោះរូបភាពមួយសន្លឹកបង្ហាញពីរូបកាយរបស់ កូននេនមួយអង្គពោរពេញដោយជំងឺស្បែកររបកដាច់ដាច មិនដឹងជាឈឺផ្សារយ៉ាងណានោះទេ ខណៈដែលគ្រូពេទ្យទទួលព្យាបាលពុំបានជាសះស្បើយរហូត រីឯម្ដាយក៏អស់លទ្ធភាព ទើបអំពាវនាវសុំជំនួយពីសប្បុរសជនដើម្បីជួយសង្រ្គោះជីវិត និងបន្តព្យាបាល កូននេនឲ្យបានជាសះស្បើយ។ យ៉ាងណាមិញ ប្រភពដដែលបានបន្តរៀបរាប់ភ្ជាប់ដំណើរដើមទង កូននេនកម្សត់ដូច្នេះថា«សូមបងប្អូនបណ្ដាញសង្គម Facebook មេត្តាជួយនឹងផ្ដល់ដំណឹងតើអាចមានថ្នាំអ្វីដើម្បីព្យាបាលដល់ព្រះសង្ឃអង្គនេះផងលោកឈឺតាំងពីអាយុ៣ខែមកម្លេះ រហូតមកដល់ពេលនេះអាយុ១២ឆ្នាំហើយ ពេទ្យទៅគ្រប់កន្លែងដែរតែមិនជាសោះ ម្ដាយអស់លទ្ធភាពហើយ សូមបងប្អូនសប្បុរជនមេត្តាជួយលោកផងវេទនាណាស លេខទូសព្ទ័ម្ដាយលោក097 3361324 ពាក្យពេជ្រខុសឆ្គងសូមអធ្យាស្រ័យផង»៕
ព្រៃវែង៖ ពលរដ្ឋជិត ៤០គ្រួសារ ដែលរស់នៅភូមិស្វាយសាមសិប ឃុំជើងភ្នំ ស្រុកបាភ្នំ កំពុងផ្ទុះប្រតិកម្មយ៉ាងខ្លាំងរហូតប្រមូលគ្នាផ្ដិតមេដៃប្ដឹងសុំការអន្តរាគមន៍ពីសមត្ថកិច្ចឲ្យបញ្ឈប់ជាបន្ទាន់ ខណៈពួកឈ្មួញមួយក្រុមកំពុងសម្រុកដាក់គ្រឿងចក្រចូលខួងភ្នំឈើកាច់ ដោយបម្រុងបំផ្ទុះគ្រាប់រំសេវ ត្រង់ចំណុចភ្នំថ្មបាញ់ ដែលបណ្ដាលឲ្យខូចខាតទ្រព្យសម្បត្តិ នឹងដីហុយខ្លាំងធ្វើឲ្យប៉ះពាល់ដល់សុខភាពប្រជាពលរដ្ឋធ្ងន់ធ្ងរផងដែរ។ យ៉ាងណាមិញ តាមសម្ដីប្រជាពលរដ្ឋបានឲ្យដឹងថា ម្ចាស់ក្រុមហ៊ុនអត់ច្បាប់ដែលកំពុងធ្វើអាជីវកម្មនោះជារបស់លោកស្រី (គ្រុឌ កូឡា) ការខួងថ្មភ្នំនេះ បណ្ដាលឲ្យកម្ទេចថ្មខ្ទាត និងហុយមកលើផ្ទះអ្នកស្រុកដែលនៅក្បែរនោះបង្កឲ្យប្រឡាក់ចានឆ្នាំង សំលៀកបំពាក់ និងធ្វើអោយពលរដ្ឋពិបាកដកដង្ហើមជាខ្លាំង ដូច្នេះហើយទើបពួកគាត់ នាំគ្នាផ្តិតមេដៃប្តឹងទៅអាជ្ញាធរ ស្នើសុំអោយជួយអន្តរាគមន៍ទប់ស្កាត់សកម្មភាពទាំងនេះជាបន្ទាន់។ ករណីនេះលោក ទេព ភារុណ អភិបាលស្រុកបាភ្នំ បានប្រាប់អ្នកសារព័ត៌ថា លោកមិនទាន់បានដឹងទេ ប៉ុន្តែលោកនិងចុះទៅពិនិត្យមើល បើសិនជាមានការលួចខួងថ្មដូចពលរដ្ឋប្តឹងមែន លោកនឹងហាមឃាត់ភ្លាម ចំណែកលោក ជា កក្តដា ប្រធានមន្ទីររ៉ែនិងថាមពលខេត្តព្រៃវែង ក៏បានអោយដឹងដែរថា...
បរទេស៖ យោងតាមគេហទំព័រ Worldometers Worldometers ចុះនៅព្រឹកថ្ងៃទី០២ ខែមេសា ឆ្នាំ២០២០នេះ ដែលត្រូវបានសារពត៌មានក្នុងស្រុកចេញផ្សាយថា ចំនួនអ្នកឆ្លងវីរុស កូវីដ១៩ នៅក្នុងប្រទេសអេស្ប៉ាញ បានកើនដល់ ១០៤ ១១៨ ករណី និងមានអ្នកស្លាប់កើនដល់ ៩៣៨៧ នាក់ ខណៈអ្នកជាសះស្បើយមានចំនួន ២២៦៤៧ នាក់ ហើយបច្ចុប្បន្នអេស្ប៉ាញ ឈរនៅលំដាប់ទី៣ ក្នុងចំណោមប្រទេសដែលមានអ្នកឆ្លង កូវីដ១៩ ច្រើនជាងបណ្ដាប្រទេសដទៃទៀត។ ត្រង់ចំណុចនេះអាចបង្ហាញយ៉ាងច្បាស់ហើយថា ប្រទេសមហាអំណាចសេដ្ឋកិច្ចធំៗលើលោក ដែលមានវិស័យសុខាភិបាលខ្លាំងក្លា មិនប្រាកដថាមានអ្នកឆ្លង និងអ្នកស្លាប់ដោយសារជំងឺកូវិដ១៩នេះចំនួនតិចទេ ហើយក៏មិនប្រាកដថា ប្រទេសក្រសេដ្ឋកិច្ចមិនសូវរឹងមាំ មានឆ្លង និងស្លាប់ច្រើននោះដែរ ការដែលសំខាន់នោះគឺភាពជាអ្នកដឹកនាំនៃមេដឹកនាំប្រទេសនិមួយៗនោះទៅវិញទេ ដែលជាចំណុចគួរចាប់អារម្មណ៍។
ភ្នំពេញ៖ កាលពីថ្ងៃទី 31 ខែ មីនាកន្លងទៅនេះ ក្នុងសម័យប្រជុំអចិន្ត្រៃយ៍គណៈរដ្ឋមន្ត្រី សម្តេចតេជោ ហ៊ុន សែន បានថ្លែងថា ដើម្បីដោះស្រាយបញ្ហាទាំងឡាយដែលកំពុងកើតមាន ក្នុងកំឡុងវីរុស COvid-19 កំពុងរាតត្បាតនេះ ប្រទេសកម្ពុជាត្រូវតែជំរុញលើវិស័យកសិកម្មក្នុងស្រុកដែលជាចំណុចខ្លាំងរបស់កម្ពុជា ជាពិសេសត្រូវស្តុកបម្រុងទុកនូវទំនិញយុទ្ធសាស្ត្រដូចជា អង្ករ និងអំបិល ជាពិសេសម៉ាស់ និងទឹកអាកុល”។ គួរបញ្ជាក់ផងដែរថា រាជរដ្ឋាភិបាលបានផ្អាកការនាំចេញអង្ករទៅក្រៅប្រទេស ដែលអនុវត្តន៍ចាប់ថ្ងៃទី ០៥ មេសានេះ ដោយលើកលែងតែអង្ករក្រអូប ក្នុងនោះផងដែរ ប្រមុខថ្នាក់ដឹកនាំ បានជម្រុញឲ្យបងប្អូនប្រជាពលរដ្ឋខ្មែរ មេត្តាអនុវត្ដន៍តាមការណែនាំរបស់ក្រសួងសុខាភិបាល ឲ្យបានខ្ជាប់ខ្ជួន ជាពិសេសត្រូវថែរក្សាអនាម័យឲ្យបានខ្ពស់ ត្រូវសម្រាកនៅផ្ទះបើមិនចាំបាច់ទៅខាងក្រៅ ជៀសវាងការជួបជុំមនុស្សអ៊ូអរ ដែលវិធីទាំងនេះការពារលោកអ្នកពីការឆ្លងរាលដាលនៃ វីរុសកូវីដ១៩៕
ភ្នំពេញ៖ នៅព្រឹកថ្ងៃទី០២ ខែមេសានេះ ក្រសួងសុខាភិបាលបានប្រកាស រកឃើញអ្នកឆ្លង កូវីដ១៩ ចំនួន ១ករណីបន្ថែមទៀត នៅខេត្តព្រះសីហនុ ដែលចំនួនអ្នកឆ្លងសរុបកើនឡើងដល់ ១១០ករណី ខណៈអ្នកជាសះស្បើយមានរហូតទៅដល់ ៣៤នាក់់៕
បរទេស៖ ជំងឺរលាកផ្លូវដង្ហើមថ្មីវីរុស កូវីដ១៩ ព័ត៌មានបានផ្សាយហើយផ្សាយទៀត បានផ្ទុះឡើងពីទីក្រុងវូហាន មេរោគដ៏កាចសាហាវនេះក៏បានសម្លាប់ពលរដ្ឋចិនដល់ទៅជាង ៣ពាន់នាក់ផងដែរ ខណៈបណ្ដាប្រទេសជាច្រើននៅលើពិភពលោកដល់ទៅជិត២០០ប្រទេសក៏មានមនុស្សឆ្លងជំងឺនេះនិងសម្លាប់ដោយសារជំងឺដែលផ្ទុះឡើងនៅវូហានក៏ច្រើនផងដែរ។ ក្នុងក្តីព្រួយបារម្ភពីជំងឺរាតត្បាតថ្មី ផ្ទុះឡើងពីចិន ហើយប្រទេសឆ្លងនៅមិនទាន់មានតួលេខណាមួយបង្ហាញពីការធូរស្បើយ ឬគ្រប់គ្រងស្ថានភាពជំងឺរាតត្បាតនេះបាន ក្រៅពីចិនជាប្រភពផ្ទុះជំងឺប្រភពដើមដូចមានភាពស្ងប់ស្ងាត់ ក៏មានព័ត៌មានថា ប្រជាជនចិន ដែលត្រូវបានអនុញាតិឲ្យវិលចូលរស់នៅធម្មតាបណ្តើរៗតាមលំនៅដ្ឋានរៀងខ្លួន ។ តែយ៉ាងណា មជ្ឈដ្ឋានដែលសាទរដំណើរវិលចូលរស់នៅវិញរបស់ប្រជាជនចិន ជាមួយសុខភាពប្រក្រតី ក៏បង្ហាញក្តីបារម្ភផងដែរ លើទំនិញក្នុងទីផ្សារចិន នូវការដាក់លក់ចំណីអាហារប្រភេទសាច់សត្វនៅលើទីផ្សា ដើម្បីបម្រើតម្រូវការប្រចាំថ្ងៃនោះ ។ ក្នុងនោះលើបណ្តាញសង្គមក៏បានបញ្ចេញមតិជុំវិញការបើកដំណើរការទីផ្សារលក់សាច់សត្វនៅចិនថា «ចិននៅមិនរាងចាល មិនចាំត្រចៀក គ្រាន់ស្ងប់ជំងឺឆ្លងថ្មី ជំងឺកូវីដ១៩ មិនបានប៉ុន្មាន ឥឡូវមើលលើទីផ្សារបើកលក់សាច់សត្វ រួមទាំងសត្វព្រៃល្បីជាប្រភពចម្លងរោគដ៏កាចសាហាវមកមនុស្សទៀតផង មិនខ្លាចមែន»៕
ភ្នំពេញ៖ បន្ទាប់ពីឡាយវីដេអូប្រកាសលក់កន្សែងសើម អះអាងថាអាចការពារវីរុស កូវីដ១៩ បាននោះ ពិធីករល្បីឈ្មោះប្រចាំស្ថានីយទូរទស្សន៍ Mytv តាប៊ុយ បានរងការរិះគន់យ៉ាងចាស់ដៃពីសំណាក់អ្នកលេងបណ្ដាញសង្គម ថានិយាយអះអាងបំភ័ន្តការពិត ព្រោះកន្សែងសើម មិនអាចការពារវីរុសដ៏កាចសាហាវនេះបានឡើយ ។ យ៉ាងណាមិញ ក្រោយដឹងពីកំហុសឆ្គងរបស់ខ្លួន ជុំវិញការអះអាងផ្ទុយពីការពិតបែបនេះ ពិធីកររូបនេះ ក៏បានចេញវីដេអូសុំទោសជាសាធារណៈ និងសុំការយោគយល់ពីសំណាក់បងប្អូនប្រជាពលរដ្ឋខ្មែរ ចំពោះកំហុសឆ្គងអចេតនានេះ ៕ https://www.facebook.com/VjTaboi/videos/566935643939490/?t=0
ភ្នំពេញ៖ តាមសេចក្ដីជូនដំណឹងរបស់ក្រសួងពាណិជ្ជកម្មបានឱ្យដឹងថា ដើម្បីជួយសម្រួលដល់ជីវភាពប្រជាជន និងរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្ដេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈ នៅកម្ពុជាចំនួន ៤សេនដុល្លារក្នុង ១លីត្រ ដូច្នេះតម្លៃលក់រាយចាប់ពីថ្ងៃទី ១ មេសា រហូតដល់ថ្ងៃទី ១៥ មេសា ២០២០ នេះសម្រាប់ប្រេងសាំងធម្មតាក្នុង ១លីត្រ តម្លៃ ២៣៥០រៀល និងប្រេងម៉ាស៊ូតតម្លៃ ២៤៥០រៀល ៕
កំពង់ឆ្នាំ៖ វីដេអូសែនកម្សត់របស់ជីវិតប្ដីប្រពន្ធមួយគូក្រោមផ្ទះ ជញ្ជាំងរហែកដាច់ដាចធ្លុះធ្លាយ ត្រូវបានបង្ហោះលើបណ្ដាញសង្គមដោយគណនីហ្វេសប៊ុក Srey Noch បង្ហាញពីបុរសជាជនពិការដោយធ្លាក់ពីអាគារសាលាកំឡុងពេលធ្វើការសំណង់ បណ្ដាលឲ្យរបួសក្បាលធ្ងន់ធ្ងរ រហូតវះកាត់អស់ប្រាក់ ៨ពាន់ដុល្លារតែមិនជាសះស្បើយ បែរមានទឹកដក់ក្នុងខួរក្បាល ខណៈប្រពន្ធកូនខ្ចី ១ខែ មិនអាចចំណូលបាន ជាហេតុបណ្ដាលឲ្យខ្វះខាតខ្លាំងក្នុងជីវភាពប្រចាំថ្ងៃ ហើយគ្មានលទ្ធភាពព្យាបាលបុរសជាប្ដីឲ្យសះស្បើយ ដែលវីដេអូកម្សត់នេះ ត្រូវបានអ្នកលេងបណ្ដាញសង្គមកំពុងផ្ទុះការអាណិតជាពន់ពេកផងដែរ។ យ៉ាងណាមិញ ប្រភពដដែលក៏បានបន្ត ដោយសំណេរអំពាវនាវរកជំនួយពីសប្បុរសជន ដើម្បីជួយសម្រាលទុក្ខលំបាកដល់គ្រួសារកំពុងខ្វះខាតនេះ ជាមួយពាក្យពេជន៍រៀបរាប់ថា« សូមកុំដាច់ចឹត្តអូសរំលង សូមជូយស៊ែតៗគ្នាផងនេះជាជីវិតពិតដែលខ្ញុំជួប ផ្ទាល់កាលពីថ្ងៃមិញ ថ្ងៃទី 29 3 2020 បើបងប្អូនចង់ជ្រាបច្បាស់ សូមគោរពអញ្ជើញ ចូលទស្សនា VDOដែលប្អូនបានថត និងចង់ជ្រាប បន្ថែមឲ្យកាន់តែច្បាស់នេះជាលេខបងស្រីដែរជាប្រពន្ធ015 75 41 04រឺលេខខ្ញុំផ្ទាល់ 011 924290»៕