តារាចម្រៀងរ៉េបលំដាប់ជួរមុខរបស់កម្ពុជាលោក ម៉ាន់ វណ្ណដា កាលពីយប់មិញនេះបានបង្ហោះសំណេរគួរឱ្យចាប់អារម្មណ៍មួយនៅលើបណ្ដាញសង្គម ដោយលោកបានចាត់ទុកថាសម្រាប់ឆ្នាំ២០២៤នេះ មានរឿងរ៉ាវដែលមិននឹកស្មានដល់ជាច្រើនបានកើតឡើងសម្រាប់រូបលោក ជាពិសេសគឺសម្មិទ្ធិផលក្រោយបានឡើងសម្តែងលើកឆាកធំៗជាច្រើននៅតាមបណ្តាលប្រទេសប៉ែកអ៊ឺរ៉ុប និងព្រឹត្តិការណ៍អូឡាំពិក២០២៤ នៅប៉ារីស ប្រទេសបារាំងជាដើម ។
វណ្ណដា ដែលបានបង្ហោះនៅលើកបណ្តាញសង្គមលោក បានសេសេរៀបរាប់ថា ២០២៤ ជាឆ្នាំមួយដែលមានរឿងនឹកស្មានមិនដល់ជាច្រើនបានកើតឡើង ខ្ញុំបានចាប់ផ្តើមឆ្នាំនេះជាមួយអ្នកគាំទ្រទាំងអស់ ដោយបានចេញចម្រៀងជាមួយសិល្បករដែលមានសមត្ថភាពជាច្រើន ហើយក៏មានបទចូលឆ្នាំខ្មែរដែលឥឡូវនេះនៅតែកំពុងទទួលបានគាំទ្រយ៉ាងខ្លាំងក្លាពីបណ្តាប្រទេសនានានៅអាស៊ី ។
វណ្ណដា បានបញ្ជាក់ទៀតថា៖ លោកបានឡើងសម្តែងនៅឆាកធំៗនៅក្រៅប្រទេសជាច្រើនដូចជា Sabaidee Fest នៅអាមេរិក និងបានឡើងសម្តែងនៅឆាកអូឡាំពិកប៉ារីស ២០២៤ ហើយជាពិសេសក៏បានឡើងសម្តែងដើម្បីអបអរសាទរពិធីបើកការប្រកួតជាផ្លូវការ នៃព្រឹត្តិការណ៍កីឡាជាតិ លើកទី ៤ និងកីឡាជាតិជនពិការ លើកទី២ ជូនបងប្អូនជនរួមជាតិទាំងអស់ផងដែរ ដោយទាំងនេះសុទ្ធតែជាក្តីស្រមៃដែលក្លាយជាការពិតសម្រាប់ខ្ញុំក្នុងឆ្នាំនេះ ។
ជាមួយគ្នានោះ ម្ចាស់បទ “Time to Rise” រូបនេះក៏បានបន្ថែមទៀតថា រឿងអស្ចារ្យទាំងអស់នេះនឹងមិនអាចកើតមានឡើយ បើសិនជារូបលោកគ្មានការគាំទ្រដ៏ខ្លាំងក្លាពីពុកម៉ែបងប្អូនគ្រប់រូប ការស្រលាញ់ចូលចិត្តរបស់អ្នកទាំងអស់គ្នាគឺជាកម្លាំងដ៏មហាសាលមួយសម្រាប់រូបលោកផងដែរ ។ អ្វីដែលកាន់តែពិសេស និងធ្វើឱ្យអ្នកគាំទ្រចាប់អារម្មណ៍បំផុតនោះគឺសម្មិទិផលរបស់ វណ្ណដា នៅក្នុង Soptify ដែលនៅក្នុងឆ្នាំ២០២៤នេះ បទចម្រៀងរបស់លោកមានអ្នកស្ដាប់១៥លានដង និងជាង១៧០ប្រទេសជុំវិញពិភពលោក ។ នេះអាចចាត់ទុកថា វណ្ណដា ជាសិល្បករខ្មែរដំបូង និងតែម្នាក់គត់ដែលអាចមានអ្នកស្ដាប់ចម្រៀងរបស់ខ្លួនច្រើនប្រទេសបែបនេះ ។
សូមបញ្ជាក់ថា បច្ចុប្បន្ន វណ្ណដា គឺតារាចម្រៀងវ័យក្មេងមួយរបស់ប្រទេសកម្ពុជារូបដែលទទួលបានភាពល្បីល្បាញខ្លាំង ខណៈនៅឆ្នាំ២០២៤នេះ រូបគេធ្លាប់បានស្នាងជាច្រើន ទាំងនៅលើឆាកជាតិ និង ឆាកអន្តរជាតិជាច្រើនផងដែរ ជាពិសរសអ្វី ដែល ធ្វើឲ្យ ប្រជាជនខ្មែរទួទាំងប្រទទេស មានមោទភាពបំផុតនោះ គឺការបង្ហាញវត្តមាន របស់ វណ្ណដា លើឆាកដ៏ធំលំដាប់ពិភពលោក ក្នុងមហាព្រឹត្តិការណ៍ កីឡាអូឡាំពិកលើកទី៣៣នាទីក្រុងប៉ារីសប្រទេសបារាំងយ៉ាងដីប្រទេសបារាំង ។ តាមរយៈសកម្មទាំងអស់នេះ ទើបធ្វើឲ្យ វណ្ណដា ចាត់ទុក ឆ្នាំ ២០២៤នេះ ជាឆ្នាំដែលរូបលោកជួបរឿងនឹកស្មានមិនដល់ច្រើនខ្លួនឯង ៕