ភ្នំពេញ៖ អ្នកនាង ឈុន ឆោមឆលីណា  នៅ​មាន​គេចំណាំ ជាតារា​ស​ម្ដែ​ង​ស្រី​មា​ន​ឈ្មោះ​ល្បី​ល្បាញ ក្នុងទស វត្សរ៍ ៩០ ដែលមុននេះ​ផ្ទុះពាក្យចចាមអារាម បានបាត់បង់​ជីវិតដោយ​សា​រ​​តែការសម្រាលបុត្រ។ ថ្មីៗ ត្រូវបាន​អ្នក​សិល្បៈរួម​ជំនាន់ម្នាក់បែរទម្លាយថា តា​រាស​ម្តែ​ង​តួ​ឯ​កក្នុង​រឿង ភ្នំទាបជាស្មៅ ឈុនឆោម ឆលីណា ដែលមាន ឈ្មោះ ដើម ឈុនឆោម ឆរី​ណា​ កំពុងមានជីវិតរស់នៅ​លើទឹក​ដី​កំ​ណើតនេះសព្វថ្ងៃ​។

Page Facebook «Movie Star Research» ដែលមានអតីតតារាចម្រៀង អ្នកនាង ស៊ិន ឧត្ត​មផល្លា ជាម្ចាស់ បានទម្លាយថា «ច្រើនឆ្នាំមកនេះ មានពាក្យចចាមអារ៉ាមថា អតី​ត​តា​រា​ស​ម្ដែ​ងដ៏​ល្បីល្បា​ញ ​ក្នុង​ទស​វត្ស​រ៍៩​០ អ្នកនាង ឈុន ឆោមឆលីណា ដែ​ល​ជា​តា​រា​ឯ​ក​ស្រី​ក្នុ​ង​រឿ​ង ភ្នំទាបជាងស្មៅ បានទទួលមរណៈភាព ដោយសារសំរាលបុត្រមានបញ្ហា តើនេះ​ជា​កា​រពិតដែរទេ?»។

នៅ​ក្នុង​ផេក​ហ្វេសប៊ុក អតីត​តារាចម្រៀង​និង​ស​ម្តែ​ងដែ​ល​ដ​ក​ខ្លួ​ន​ពី​កា​រ​ងា​រ​សិល្បៈ​ ទៅ​ប្រ​ក​ប​​​រ​ប​រ​លក់​ស្បង់​ចីពរ អ្នកស្រី ស៊ិន ដែលបង្ហោះ​រូបថត​អតី​ត​តា​រាស​ម្តែ​ង​ល្បី​ឈ្មោះ​នា​ង​ទ​ស្ស​វ​ត្ស​ឆ្នាំ​៩០ អ្នកស្រី ឈុនឆោម ឆលីណា ជាច្រើន​សន្លឹក  ដែល​ស្ថិតនឹង​រូបឆោមវ័យ​ចំណាស់​​អម​ដោយ​ពណ៌ធម្មជាតិ​ស្រស់ខៀវខ្ចី ដែលបញ្ជាក់​ឲ្យឃើញថា ជារូបថត ថតនៅ​សម័យ​បច្ចុប្បន្ននោះ ។ ម្ចាស់​ផេកស្រាយចម្ងល់​​ថា «ចម្លើយឆ្លើយថា នេះគ្រា​ន់​តែជា​ពាក្យ​ច​ចាម​អារ៉ាម មិនមែនជាការពិតទេ តារារូបនេះនៅមានជីវិត។ នេះជារូបគាត់ពីមុន និងរូ​បស​ព្វថ្ងៃ បច្ចុប្បន្នតារារូបនេះ រស់នៅក្នុងប្រទេ​សកម្ពុជា​»។​

ទោះបីជា អ្នកស្រី ឈុន ឆោមឆលីណា នៅរស់រានមានជីវិត និង កំពុងរ​ស់​ក្នុង​ប្រ​ទេស​ក​ម្ពុ​ជា ក៏ពិតមែនប៉ុន្ដែទស្សនិកជនជាហាក់ដូចជា មិនធ្លាប់ឃើញ តារារូបនេះមានវត្តមាន ក្នុង​កម្ម​វិធីសិល្បៈ ឬការបង្ហាញថា អតីតតារារូបនេះកំពុង​រស់ក្នុង​ស្ថានភាពជីវិតបែបណា នៅ​តំបន់ណានោះដែរ។ ខណៈ​ក្នុង​បណ្តាញសង្គមគ្រាន់តែបង្ហាញថា «អតីតតារារូបនេះ មាន​ឈ្មោះ កំណើត ឈុនឆោម ឆរីណា »។