ភ្នំពេញ៖ កូ​នស្រីតារាចម្រៀងវ័យជ្រេលោក ហូឡា វី នាង វី ឌីណែតត្រូវបានគេសង្គេត​​ឃើញ​​​បង្ហោះសារប្លែក​ៗនៅលើបណ្ដាញសង្គម​ជាច្រើនថ្ងៃជាប់ៗគ្នា​ដោយនាងបាន​សរសេរ​​ថា​​«​​កុំស្ដាយពេលបាត់បង់ខ្ញុំ.. ​»​រំលងបានមួយថ្ងៃនាងក៏បានបង្ហោះថា«​​បើអូន​​នៅ​​​​មាន​​ដង្ហើម​​​​អូននឹងធ្វើខ្លួនស្អាតស្អាតបែបនេះរាល់ថ្ងៃ​»​។​

​សារស័ព្ទបង្គប់ន័យប្លែកៗរបស់តារាស្រី​ម្ចាស់បទ​”ស្រលាញ់ស្ទើរលេប”​នៅតែជាចម្ងល់​ គ្រា​​នាងបង្ហោះសារថ្មីបន្ថែមថា«​បើបាត់ម្នាក់នេះនឹកអត់???​»​ ភ្លាមនោះក៏មានគណនី​ហ្វេស​ប៊ុក​​ដែលមានឈ្មោះNiki neeបានចោទជាសំនួរសួរឡើងថា​«ចង់ទៅណា​បង​ទៅ​ក្រៅ​​ប្រទេស​​មែនបើបងទៅមែនខ្ញុំនឹកស្លាប់ហើយ»​​ប៉ុន្តែពាក្យពេចន៍រំលេច​​ទៅដោយ​ការចង់ដឹងដំណឹង​​ពី​​តារា​ចម្រៀង​​ស្រីរូបនេះ​មិនត្រូវបាន​ឆ្លើយតបអ្វីឡើយ ដែល​ជាហេតុ​ធ្វើ​​អោយមហាជន​​នៅ​​​​តែមានចម្ងល់​។​​​​​