ភ្នំពេញ៖ ក្នុង​ក្តីអស់​សង្ឃឹម រស់នឹង​ជីវភាពទាល់​ អាស្រ័យ​នឹង​ដំបូង​ជួលគេជ្រក​ផង អ្នក​ស្រី សុជាតា ជាម្ដាយ​របស់ តារាសម្ដែងកញ្ញា ពេជ្រ ចរណៃ ដែលស្ថិត​ក្នុង​សភាព​ជំងឺ​បេះ​ដូង​ធ្ងន់​ធ្ងរ ។ ខណៈអ្នកស្រីក៏​បង្ហើបថា «គ្រូ​ពេទ្យ​​ប្រាប់​​ថា ជំងឺ ចរណៃ អាចសង្គ្រោះបាន ត្រូវ​ចំណាយ​ដល់​ទៅ​២ម៉ឺន​ដុល្លារ»។

ក្នុង​សំដី​ពោលបែបអស់សង្ឃឹមថា «ពេលនេះ សភាព​​ជំងឺដាច់​សរ​សៃបេះ​ដូង  ចរណៃ កូន​ស្រី​​ខ្ញុំ​ កំពុង​ស្ថិត​ក្នុង​ភាព​ធ្ងន់ធ្ងរ ហើយ​ទាំងខ្ញុំ ជាម្តាយ​ក៏មិន​ដឹងថា ត្រូវ​ពឹងអ្វី ស្រវ៉ាអី​មក​ដោះ​ដូរដើម្បី​បានប្រាក់មកព្យាបាល​ជំងឺ​កូន​ស្រី​ទេ​។

ម្តាយ កញ្ញា ពេជ្រ ចរណៃ បាន​សារភាពថា «កាលពីយប់ថ្ងៃទី២៧ ខែតុលា ដោយ​សារ​តែអ​ត់មា​ន​លទ្ធ​ភាព​បញ្ជូ​នទៅ​វះកា​ត់ តា​មកា​រ​កំ​ណ​ត់ ព្រោះ​ការវះ​កាត់​ត្រូវ​ចំណា​យថ​វិកា​ជិ​ត​២​ម៉ឺ​ន​ដុល្លារឯណោះ ខ្ញុំ​ក៏​ស​ម្រេច​ចិ​ត្តយក​នាង​​ចេញមកផ្ទះ។ ប៉ុន្តែ​យ៉ាង​ណាអ្នកស្រី​ថា «មាន​តែម​ធ្យោបា​យវះ​កាត់​តស​រសៃ​ប្រើសបេះ​ដូង​តែមួយគត់ ដែល​​អាច​ដោះស្រាយ​បាន​។ តែ​ ពេលនេះខ្ញុំ​មិនមាន​លទ្ធភាព​នឹងរកលុយ​ណាបាន​២ម៉ឺនដុល្លារ ហើយក៏​មិន​ដឹង​ថា​ត្រូវរ​ក​ម​ក​​ពីណាបាន ក្នុងមធ្យោបាយណានោះ​ដែរ»។

ក្នុង​សភាព​ទាល់ច្រកនោះ ទាំងជីវភាពក៏​គ្មានទីពឹងរស់នៅក្រោម​ដំបូលជួលគេ​ស្នាក់នៅ​នោះ ម្តាយតារាសម្តែង ដែលល្បីខាងសម្តែង​តួវាយប្រយុទ្ធ មិនញញើតសត្រូវ​ ក្នុង​យុទ្ធ​សា​ស្រ្ត​ក្បាច់គុនល្បុកក្តោ កញ្ញា ពេជ្រ ចរណៃ  អ្នកស្រីក៏​ពោលថា «ពេលនេះដើម្បីកូនស្រីម្នាក់ នេះ ខ្ញុំ​មាន​​​តែដាច់ចិត្ត លើកដៃ​សុំជំនួយពីសប្បុរជនទេ ព្រោះខ្ញុំ​ ក៏មាន​តែនាង​ដែរ​ពេល​នៅ​ជា នាងជាបង្កោលគ្រួសារ​»។