ភ្នំពេញ ៖  ថ្មីៗនេះតារាចម្រៀងប្រចាំទ្រនំសាន់ដេស្រែកបែកកចោល នាយចឺម បាន​សារ ភាព​​ថា តាំងពីមានស្នេហាថ្មីជាមួយអូនហ្វា ធ្វើឱ្យនាយ បានកំណត់ រួចជាស្រេច​ទៅហើយ​ថា នឹ​ងត្រៀមខ្លួនចូលរោងការនៅរយៈពេល៥ឆ្នាំខាងមុខទៀត ឬអាយុ២៩ឆ្នាំ ឱ្យខាងតែបាន មិនអាចបង្អែរបង្អង់តទៅទៀតឡើយ។

អតីតតារាកំប្លែង​ នាយចឺម ថា ការដែលនាយមិនអាចអន្ទះសារដឹកដៃអូនហ្វា ចូលរោង​ការ​​ក្នុ​ង​ពេលឆាប់ៗនេះបាន ដោយសារតែនាយនៅធ្វើផ្ទះវីឡា​ជូនម្តាយនៅឯ​ស្រុក​កំណើ​​ត​ខេ​ត្ត​កំពង់ស្ពឺ មិនទាន់រួចរាល់ ហើយម៉្យាងទៀតគិតថា ពេលនេះប្រឹង​រកលុយ​សិន។ ចំពោះស្រី​ស្រស់អូនហ្វា ក៏បានវាចាថា «ឥឡូវស្ថិតក្នុង​ដំណាក់កាលមើលចិត្ត​ថ្លើម​គ្នា​ជាមុនសិន មិនទាន់អាចនិយាយដល់រឿងរៀបការបានទេ ព្រោះពួកយើង​នៅ​ក្មេងៗណាស់​ត្រូវតែគិតឱ្យច្បាស់លាស់សិន ទើបគិតរៀបការតាមក្រោយ»។