ភ្នំពេញ៖ មុន​​នេះ​​បន្តិច​​តារា​ចម្រៀង​ដ៏​ល្បី​ផលិត​កម្ម​ហង្ស​មាស ឆន សុវណ្ណរាជ បាន​​ធ្វើ​ឲ្យ​មហា​ជន​ និង​​អ្នក​គាំ​ទ្រ​ជា​ច្រើន​​​ភ្ញាក់​ផ្អើល​ម្តង​ទៀត ខណៈ​ពេល​ដែល​លោក​បាន​បង្ហោះ​សារ​លើ​បណ្តាញ​សង្គម​ហ្វេស​ប៊ុក​ថា “នៅ​សល់​ចំហាយ​ខួប​កំណើត” ។ តា​រាច​ម្រៀ​ង​សំ​ឡេង​រណ្តំ​រូប​នេះ មាន​ថ្ងៃ​ខួប​កំណើត​ពិត​ប្រាក​ដ​គឺ ​ថ្ងៃទី​១០​ ខែ​តុលា ប៉ុន្តែ​អ្នក​គាំទ្រ​របស់​លោក​បាន​ធ្វើ​ខួប​កំណើត​ឲ្យ​ស្ទើរ​គ្មាន​លួស​ថ្ងៃ​ក្នុង​ខែតុលា ឆ្នាំ២០១៧នេះ ហើយ​កាល​ពីស​ប្តាហ៍​មុន​តារា​ចម្រៀង​ លោក​ ឆន ​សុវណ្ណរាជ​ នឹង​ស្មាន​ថា ប្រហែល​ជា​គ្មាន Surprise ខួប​កំណើត​ទៀត​ទេ ព្រោះ​កន្លង​មុខ​ច្រើន​ថ្ងៃ​ដែរ គិត​ឃើញ​ដូច​នេះ​លោក​ក៏​បាន​ប្រមូល​រូប​ថត​នំ​ខួប​កំណើត​តាម​បណ្តា​រាជ​ធានី-ខេត្ត​ទាំង ២៥ មក​ផ្គុំចូល​គ្នា​រួច​សរ​សេរ​សារ​ថ្លែង​អំណរ​គុណ​ដល់​ទឹក​ចិត្ត​បង​ប្អូន​ទាំង​អស់​គ្នា ។

ប៉ុន្តែ​អ្វី​ដែល​តារា​ចម្រៀង​សម្បូរ​រោម​ទ្រូង​រូប​នេះ នឹក​ស្មាន​មិន​ដល់​នោះ​គឺនៅ​យប់​ថ្ងៃទី​៣១ ខែតុលា ជិត​ឈាន​ចូល​ខែ​វិច្ឆិកា ឆ្នាំ២០១៧ មាន​អ្នក​គាំ​ទ្រ​របស់​លោក​១ក្រុម​បាន​ធ្វើ​ខួប​កំណើត​ឲ្យ​ទៀត​នៅ​ខេត្ត​សៀម​រាប ​ខណៈ​ពេល​លោ​កទៅ​ច្រៀង ក្នុង​កម្ម​វិធី​ជប់​លៀង​របស់​ CBL ក្រុម​ហ៊ុន​ស្រា​បៀរ Heneiken ធ្វើ​នៅ​សណ្ឋាគារ​សុខា​សៀម​រាប ៕