ភ្នំពេញ៖តារាចម្រៀងស្រីលំដាប់ជួរមុខដែលជ្រក់កោណក្នុងទ្រនំរស្មីហង្សមាស គឺកញ្ញា ពេជ្រ សោភា នាពេលបច្ចុប្បន្ននេះ កាន់តែមានសន្ទុះខ្លាំង ជាងមុនឆ្ងាយណាស់ បើទោះបីជា រូបនាងប្រឡូកក្នុងវិស័យសិល្បៈ១៥ឆ្នាំក៏ដោយ។
ជាពិសេស សម្រស់របស់តារាស្រីរូបនេះ ក៏នៅតែស្រស់ស្អាត វ័យក្មេងដដែល គ្មានប្រែប្រួលទៅណានោះទេ ថ្វីបើវ័យកាន់តែរំកិលទៅមុខ ដល់ទៅ៣៥ឆ្នាំក៏ដោយ ក៏នាងនៅតែ មានសម្រស់ទាក់ទាញដដែល។
ក្នុងនោះដែរ គេសង្កេតឃើញថា ពេជ្រ សោភា បានបង្ហាញការលេងខ្លួនថ្មីមួយបែបទៀត ដោយនាងបានកាត់សក់ខ្លី ត្រឹមក តែម្តងដោយគ្មាន ស្តាយស្រណោះសក់ដ៏សែនវែង នោះទេ។ ប៉ុន្តែទោះបីជាយ៉ាងណា ក៏នាងនៅតែ មើលទៅលេចធ្លោ ជាមួយនឹងស្ទីលសក់ខ្លីនេះដែរនិងកាន់តែ ក្មេងជាងមុនថែមមួយកម្រិត៕
