ភ្នំពេញ៖ នៅ​រសៀល​ថ្ងៃ​ទី៦ខែវិច្ឆិកានេះ ស្រីស្រស់ គង់ ចាន់រដ្ឋា បានបង្ហាញ​ពី​ការ​​ផ្ទុះ​កំហឹង​យ៉ាងខ្លាំ​ងមិនធ្លាប់ មានពីមុនមក ជះទៅលើមនុស្សម្នាក់ ដែលនាង​បង្ហាញ​នៅ​ក្នុង​ហ្វេសប៊ុក​ បានជំពាក់ប្រាក់នាង ប្រមាណជិត១ ម៉ឺនដុល្លារ មិនព្រមសង ដោយ​ភ្ជាប់​ជា​មួយ​រូប​កាំភ្លើងខ្លីមួយដើមនិងគ្រាប់​ពេញ​ណែនក្នុង​បង់​។

ប៉ុន្តែអ្វីដែលកាន់តែមានភាពកក្រើក ពេញបណ្ដាញសង្គមហ្វេសប៊ុកទៀតនោះ គឺតា​រាច​ម្រៀង​រូបស្រស់ គង់ ចាន់រដ្ឋា បានសរសេរសារមួយ ដោយបង្ហោះ​ភ្ជាប់​ជាមួ​យនឹ​ងរូ​បកាំ​ភ្លើង​១ដើ​ម និងគ្រាប់ជាច្រើនគ្រាប់ សម្ដៅ ក្នុងន័យចង់បាញ់ប្រហារនរណាម្នាក់ឲ្យស្លាប់ភ្លាមៗ ព្រោះតែកំហឹងឆួលឆាបពេញទ្រូង។ ក្នុង​សារនោះ​ គង់ ច័ន្ទរដ្ឋា បាន​រៀបរាប់ថា « «ខ្ញុំ​ជាម​នុ​ស្ស​ បេះដូងខ្ញុំក៏ជារបស់ពិត មិនមែនសិប្បនិម្មិតទេ ហើយខ្ញុំក៏មិនមែនជា ព្រះដែរ ឆ្កែក​ន្ទុយ​ខ្វៀ​ននៅតែខ្វៀនគ្មានថ្ងៃកែ អ្នកឯងមិនមែនមាសទេ ហើយលុយខ្ញុំ ៨០០០$ មិនមែន ៨០០០៛​ ខ្មែរទេណា ខ្ញុំមិនយកហើយ ថែមទាំង អហោសិកម្មឲ្យអ្នកឯងទៀត តែអ្នក​ឯង​គ្មា​ន​ពា​ក្យអរគុណខ្ញុំមួយម៉ាត់ ហើយមកសំដីឈ្លើយដាក់ខ្ញុំទៀត កុំឲ្យខ្ញុំដល់កឲ្យសោះ កុំដដែល​ៗ​ពេក»។

ជាមួយនឹងការព្រមាន និង ប្រើពាក្យពេចន៍ខាងលើរបស់កញ្ញា គង់ ចាន់រដ្ឋា នាង​ក៏បា​ន​ប​ង្ហោះរូបកាំភ្លើង​ខ្លី​មួយ​ដើម និងគ្រាប់កាំភ្លើងជាច្រើនគ្រាប់ ដោយ​បញ្ជា​ក់យ៉ា​ងច្បាស់ថា នាង​ពិតជាមានការខឹងសម្បារ នឹងជនរូ​ប​នោះ​យ៉ាងខ្លាំង ដោយ​ខ្ចីលុ​យរ​បស់​នាង​ហើយ​មិន​ព្រម​ស​ង ថែមទាំងមិនចេះដឹងគុណ និង និយាយសម្ដី​ប៉ះពាល់​ដល់​អារម្មណ៍ របស់នាងទៀត ។