ភ្នំពេញ៖ នាយប់មិញថ្ងៃទី៩ វិច្ឆិកា បេក្ខនារីបវរកញ្ញាដើមកំណើតអ្នកស្រុកបាត់ដំបង យស ប៉ូលីណា បានបង្ហាញឈុតរាត្រីស្រមោលសរ ក្នុងការប្រកួត Miss Global 2017 ធ្វើឲ្យមហាជនមានភ្ញាក់ផ្អើល និងទទួលបានការគាំទ្រជាច្រើន ។ នៅរាត្រីថ្ងៃទី១៧ វិច្ឆិកាខាងមុខនេះ បវរកញ្ញាពិភពលោកកម្ពុជា យស ប៉ូលីណា នឹងត្រូវប្រកួតលើវិញ្ញាសាឈុតតំណាងជាតិ ដែលឈុតនោះត្រូវបានប្រសិទ្ធនាមថា “អប្សរចតុមុខ” ជាស្នាដៃ​សម្រិតសម្រាំងថ្មីដោយហាងប៉ារ៉ាឌី ។

ទន្ទឹមនេះមហាជនទូទៅកំពុងតែចង់ដឹងថា តើឈុត “អប្សរចតុមុខ” ខុសប្លែកពីឈុត “ទេវីក្រុងកម្ពុជាធិបតី” និង ឈុត “នាងឧសភី” យ៉ាងណា? ជាក់ស្តែងឈុតតំណាងជាតិ “អប្សរចតុមុខ” នេះ រចនាឡើងដោយមានម្កុដកំពូល​ស្រួច រួមជាមួយហូលពណ៌ស្លាទុំ និងមានកងដៃ កងជើងភ្លឺផ្លេកៗ ។

មួយវិញទៀតឈុត “អប្សរ​ចតុមុខ​” ត្រូវ​បាន​ដាក់​ដោយ​យោង​តាម​វត្ថុធាតុ​ដើម​ហូល​ ដែល​ខ្មែរ​មាន​ការ​ផុលផុស​ប្រើ​ប្រាស់​ច្រើន​ក្នុង​សម័យ​ចតុមុខ និង​មាន​​សោភ័ណភាព​ស្អាត​ដូច​ទេពអប្សរ​ពេល​​បាន​គ្រង​ដោយ​បវរកញ្ញា។ ​​​​ ឈុត “អប្សរចតុមុខ” នេះ ស្រដៀងឈុត “ទេវីក្រុងកម្ពុជាធិបតី” ត្រង់មានម្កុដកំពូលស្រួច ប៉ុន្តែខុសស្រឡះពីឈុត “នាងឧសភី” ៕