ភ្នំពេញ៖ បើទោះជាល្បីរងការប្តឹងពីអតីតគូដណ្តឹងចោទពីបទឆបោកនោះក្តី តែការងារសិល្បៈរបស់ តារាសម្តែង​ងារកំពូលតារាទឹកភ្នែក នី មុន្នីនាថ មិនធ្លាក់ចុះទីផ្សារនោះដែរ ទាំងម្តាយនាងអះអាងថា ពេលនេះកូនស្រីខ្ញុំរក​តែពេលសម្តែងឲ្យគេមិនបាន។ ប៉ុន្តែទន្ទឹមនេះ នៅរសៀលថ្ងៃទី១៣ខែវិច្ឆិកានេះ ត្រូវប្រធានសមាគមមិត្តសិល្បៈ​ស្មគ្រ​ចិត្តជួយសង្គមបង្ហើបប្រាប់តារាញូស៍ថា នី មុន្នីនាថ ក៏កំពុងខ្វល់ចិត្តខ្លាំងណាស់ដែរ ហើយបានមកពឹង សមាគមឲ្យជួយរកមេធាវីទៅតតាំងក្តីអតីតគូដណ្តឹង។​

លោក ហេង ឡុង បានបញ្ជាក់ថា «នៅរសៀលថ្ងៃនេះ កញ្ញា នី មុន្នីនាថ បានទំនាក់ទំនងមកសមាគមសិល្បៈ​ស្ម​គ្រចិត្ត សុំឲ្យជួយរកមេធាវី ការពារក្តី ដែលអតីតគូដណ្តឹងប្តឹងចោទបទឆបោកលុយជាង១០ម៉ឺនដុល្លារ»។ គួរប​ង្ហា​ញ​ផងដែរថា «មុននេះក៏មានការបង្ហាញពីមេធាវី ការពារក្តី ភាគីបុរសអាណិកជនខ្មែរអាមេរិក លោក អ៊ុង សូ​ឡា​ង ​អតីតគូដណ្តឹង តារាសម្តែងនី មុន្នីនាថ បានបង្ហាញឲ្យព័ត៌មានដឹងជាសាធារណៈថា «មុននិងក្រោយភ្ជាប់ពា​ក្យ​​ លោក អ៊ុង សូឡាង បានផ្តល់ទាំងគ្រឿងពេជ្រ និងទឹកប្រាក់ជាច្រើនម៉ឺនដុល្លារអាមេរិក តាមការស្នើសុំរបស់ នី មុនីនាថ ហើយលុយទាំងនោះ ត្រូវបានតារាសម្តែង នី មុន្នីនាថ យកទៅទិញដី និងរថយន្តជិះផងដែរ»។

កន្លងមកសមាគមសិល្បៈស្ម័គ្រចិត្តជួយសង្គម ធ្លាប់បានដាក់មេធាវីជួយតារាសិល្បៈ ដែលមានបញ្ហា ដូចជារងនូវបញ្ហាអយុទ្ធត្តិធម៌ផ្សេងៗ។ ក្នុងនោះដែលលោក ហេង ឡុង បានបញ្ជាក់បន្ថែមថា «ពេលនេះសមាគមមិត្តសិល្បៈជួយសង្គមបាននឹងកំពុងរៀបចំមេធាវី ជួនកញ្ញា នី មុន្នីនាថ ហើយក៏សង្ឃឹមថា រឿងនេះនិងឆាប់ដោះស្រាយចប់ ក្នុងហេតុផលសមស្របណាមួយផងដែរ»។