ភ្នំពេញ៖

កាល​ពីថ្ងៃ​ទី២០ ខែ​ សីហា ​ឆ្នាំ ​២០១៧​ តារា​ចម្រៀង​លោក សន វិជ្ជបុត្រ បាន​ដឹក​នាំ​តារា​១​ក្រុម ​យក​អំណោយ​ទៅ​ចែក​ប្រជាពលរដ្ឋ​​​ក្រីក្រ​​ជា​ច្រើន​គ្រួសារ​នៅ​ស្រុក​បាភ្នំ ខេត្ត ព្រែវែង ​រួម​ជា​មួយ​វត្ត​មាន​ព្រះ​ចៅ​អធិការ​វត្ត និង​ពុទ្ធបរិស័ទ​​ជើងវត្ត​ជា​ច្រើន​​នាក់។ ទន្ទឹម​នឹង​ការ​បង្ហាញ​សកម្មភាព​មនុស្សធម៌​នេះ​លោក​ក៏​បាន​អំពាវនាវ​បន្ថែម​ដល់​សប្បុរសជន​ទាំង​ក្នុង​ និង​ក្រៅ​ស្រុក​សូម​ចូល​រួម​ជួយ​អ្នក​ក្រីក្រ​ ក្រោម​ប្រធាន​ “ជួយ​ខ្ញុំ​.! ខ្ញុំ​ជួយ​អ្នក​ក្រីក្រ​” ។

​តារា​ចម្រៀង​លោក​ សន វិជ្ជបុត្រ​ បាន​ប្រាប់​ថា​ ពិធី​នាំ​យក​អំណោយ​សប្បុរសជន​ រួម​ជា​មួយ​ថវិកា​របស់​អ្នក​សិល្បៈ​រួម​នឹង​រូប​ខ្ញុំ​​បាន​ធ្វើ​នៅ​ វត្ត “ធម្មសំមិត្តារាម” ​ស្ថិត​ ភូមិ​ព្រៃផ្ចិត​ ឃុំ ​ធាយ ស្រុក​បាភ្នំ​ ខេត្ត​ព្រៃវែង​ ហើយ​ពិធី​នេះ​បាន​ចែក​ជូន​ប្រជា​ជន​ក្រីក្រ​ចំនួន​ ២៥​​គ្រួសារ ដែល​គ្មាន​ទីពឹង​អ្នក​ខ្លះ​ត្រូវ​ឪពុក​​​រត់​​ចោល​​ម្ដាយ ម្ដាយ​រត់​ចោល​កូន​ជីដូន​ប្រឹង​រស់​ដើម្បី​ចិញ្ចឹម​ចៅ​ជា​ដើម ​។

លោក​ សន វិជ្ជបុត្រ បាន​ប្រាប់​ថា អំណោយ​ទាំង​នោះ គឺ​ខ្ញុំ​​បាន​ទទួល​បាន​ពី​សប្បុរសជន​​ទាំង​ក្នុង​ស្រុក​​និង​ក្រៅ​ស្រុក មាន​លោក​ គីម​ វុទ្ធី នឹង លោក ឡេង ផល្លា រស់​នៅ ស​ហ​រ​ដ្ឋ​អា​មេរិក​ និង ម្ដាយ​ធម៌​​ជា​អាជីវករ​លក់​ខោអាវ​នៅ​ផ្សារ​អូឡាំពិក។ប្រជា​ជន​ក្រី​ក្រ ​ចំនួន​ ២៥​​គ្រួ​សា​រ​​ជា​​ប្រជា​ជន​ក្រី​ក្រ​ដែល​ត្រូវ​បាន​រៀបចំ​ឈ្មោះ​ជា​​ស្រេចនោះ ទទួល​បាន​១


គ្រួសារ​ មាន​មី​១កេះ ទឹក​ស្រី​១យូ ទឹក​ស៊ីអ៊ីវ​១យូ ត្រីខ១យូ អង្គរ​១បេ ថវិកា​មួយ​ចំនួន។ ចំណែក​​ប្រជាពលរដ្ឋ​ ក្មេងៗ ក៏​​ដូច​ជា​លោក​តា​លោក​យាយ ដែល​បាន​អញ្ជើញ​មក​វត្ត​ជាង​១០០នាក់​ក៏​ទទួល​បាន​ដូច​គ្នា មាន​មាន​ខោអាវ ទឹក​សម្រង់ ភេសជ្ជៈ និង ថវិកា មួយ​ចំនួន។