ភ្នំពេញ៖ បើ​ទោះ​ជាពេល​នេះ តារាចម្រៀង ឆាយ វីរៈយុទ្ធបង្ហាញពីជីវិត​អាពាហ៍ពិពាហ៍​ដោយ​បើកចំហនោះ ប៉ុន្តែ​​មិនដូច​ដែល​អ្វីដែលមជ្ឈដ្ឋាននានាធ្លាប់ពោល​នោះទេ ថា តារា​ពេល​មាន​គ្រួសារឬរៀបការ​នឹងធ្លាក់​ប្រជា​ប្រិយ​ភាព។ខណៈនេះ តារាចម្រៀង ឆាយ វីរៈយុ​​ទ្ធ​ត្រូវបាន​គេមើលឃើញថាប្រជាប្រិយភាពនេះ​នៅ​តែខ្លាំង ទាំងខ្លួនឯង​​មិននឹកស្មានផង​​។

ប្រិយមិត្តអ្នកគាំទ្រ ជាច្រើនប្រាកដជាបានជ្រាប ពីទឹកដមសម្លេងរបស់ លោក ឆាយ វីរៈ​យុទ្ធ ដែលជាតារា ច​ម្រៀ​ង​​ម្នាក់ អាចច្រៀងបទបែនគ្រប់យ៉ាងស្ថានភាព។ ជាក់ស្ដែង កេរ្តិ៍​ឈ្មោះ​របស់ ម្ចាស់បទ«គេមិនស្រលាញ់​យើង​ទេ»​រូបនេះក៏កាន់តែមានប្រជាប្រិយភាព ខ្លាំង​ឡើ​ងបើទោះជារូបលោកបាន រៀបការមានគ្រួសារ​ហើយក៏​ដោយ​។

ថ្មីៗនេះដែរ លោកបានចេញទៅសម្ដែងកម្មវិធីមួយ  ហើយអ្វីដែលគួរឲ្យភ្ញាក់ផ្អើលនោះ គ្រាន់​តែលោក ឆាយ វីរៈយុទ្ធ ច្រៀងចប់ភ្លាម ក៏មានហ្វេន អ្នកគាំទ្រជាច្រើន តាំងចាស់ក្មេង តម្រង់ជួរចាំថតជាមួយរូបលោក ផ្ទាល់តែម្ដង ។

រំពេចនោះដែរ តារាចម្រៀងក្លាយ​ជាថៅ​កែលក់អង្កធំ ក្រោយធ្វើ​ជាកូនប្រសារថៅ​កែរោងម៉ាស៊ិនកិនស្រូវ​ល្បី​នៅ​ទឹកដីខេត្តកំពង់ចាម លោក ឆាយ វីរៈយុទ្ធ ក៏បាន​សរសេរ​សារសាទរអ្នកគាំទ្រលោកថា «សូមអរគុណប្រិយមិត្ត នៅព្រៃទា ក្រុងភ្នំពេញ ដែល​បាន​គាំទ្រ​យ៉ាងពេញទំហឹងចំពោះខ្ញុំបាទ តន្រ្តី LEO Concert 11, វិច្ឆិកា 2017 កន្លងទៅ ទាំងខ្ញុំ​មិន​នឹកស្មានដល់​។ សូមប្រិយមិត្តទទួលបានសុខភាពល្អគ្រប់ក្រុមគ្រួសារផងដែរ។នេះបើតាមវីដេអូខ្លី ដែលតារាប្រុសរូបនេះ បានបង្ហោះលើបណ្ដាញសង្គមរបស់ខ្លួន ជាមួយ​សារ​អរគុណ​អ្នក​គាំ​ទ្រ​៕