ភ្នំពេញ៖ ស្ថិតនិងស្ថានភាពជំងឺដំបៅក្រពះ ដុះសាច់ក្នុងថ្លើម តារាកំប្លែងជើងចាស់ លោក​តា វីតាមីនសេ កាន់​តែ​វិវ​ឍ្ឍ​ធ្ងន់​ទៅ​ៗ  ដែល​អ្នកនាង ប៉េង ប៉ោង ទាំង​ទឹកភ្នែក​ស​ស្រាក់​ប្រកា​ស​លក់​ឡាន និង​យកប្លង់ផ្ទះនៅ​ធនាគារ​យក​ថវិកាទៅព្យបាលជំងឺឪពុកនោះ​។ ក៏​មាន​ការបង្ហើបឲ្យ​ដឹងថា នៅ​រសៀលថ្ងៃ​ទី១៥ខែវិច្ឆិកានេះ កូនៗនិង​ប្រពន្ធ​​នឹង​នាំយកតា វីតាមីន​សេចេញ​ទៅព្យាបាលនៅក្រៅ​ប្រទេស។

​តាម​ការបង្ហើប​ពី​អ្នកនាង ប៉េង ប៉ោង ថា តាមស្ថានភាពជំងឺឪពុកខ្ញុំ មិនអាចបណ្តែត​បណ្តោ​យទេ ។ ជំងឺដុះ​សាច់​ក្នុង​​ថ្លើមនោះត្រូវ​ការវះកាត់​ជាបន្ទាប់ ហើយពេលនេះ​ស្ថាន​ភាព​ជំងឺ​របស់គាត់​ក៏កាន់​តែធ្ងន់ធ្ងរណាស់​ដែរ​»។ អ្នកនាងថា «ជំងឺឪពុករបស់ខ្ញុំ ត្រូវ​ការចាយ​លុយ​ច្រើន​ណាស់ ដល់​ទៅរាប់ម៉ឺនដុល្លារឯណោះ តែពេល​នេះ​ក្រុម​គ្រួសារ​មិនមាន​ទេ ដែលខ្ញុំ​បានប្រកាសលក់​ឡាន បញ្ចាំប្លង់ផ្ទះធ្វើយ៉ាងណាអ្នកមានគុណ ត្រូវ​តែធ្វើ​ចំពោះ​គាត់​ទោះ​ត្រូវ​ចំណាយ​ប៉ុន្មាន ត្រូវលក់អីក៏លក់ដែរ»។​

អ្នកនាង ប៉េង ប៉ោង ក៏បានបង្ហើបដែរថា «ពេលនេះក៏មានសប្បុរសជន​ជួយ​មក​បានច្រើន​ដែរ អាចថា បាន​រួច​សោហ៊ុយ​និង​ការចំណាយខ្លះ ក្នុង​ដំណើរ​យក​គាត់​ទៅ​ព្យាបាល​ពេទ្យ​ឯ​ប្រទេសថៃនោះ ។ ប៉ុន្តែជំនួញ​ឧបត្ថម​នេះ​​នៅខ្វះការចំណាយច្រើនណាស់​»៕