ភ្នំពេញ​៖ ក្រោយ​​ស្នេហាខុសវ័យជាមួយ​​​អ្នក​នាង ប៉ែន សុផានី ផុតរលត់ មិន​ធ្លាប់​លេចឮ​ឡើយថា បុរស​មាឌ​ធំ​លេង​ស្ទាយសក់វែង ម៉ារ៉ា ប៊ុណ្ណា មានស្នេហាជាមួយនារីផ្សេង​ ខណៈតារាលេងសង់រូបនេះអះអាងថា ទុក​វេ​លា​គិ​តរឿងមុខមាត់សិល្បៈ​។ ប៉ុន្តែ​ដែល​ផ្ទុយ​នឹង​ឆន្ទៈនេះ បែរជាត្រូវបាន​ទម្លាយ​យ៉ាងសុះសាយ ថា ម៉ារ៉ា ប៊ុណ្ណា អតីត​បុរស​កំពូលស្នេហ៍​តារាវ័យ​ចំណាស់ ប៉ែន សុផានី កំពុងមានស្នេហាស៊ីជម្រៅ​និង​អតីត​ភរិយា ជៀស ស្រួច នាង សាត់​រស្មី​។

ព័ត៌មាន​ទំនាក់ទំនង​ស្នេហាម៉ារ៉ា ប៊ុណ្ណា និងតារាសម្តែងនាង សាត់ រស្មី អតីត​ភរិយាកម្សត់​ជៀស ស្រួច ត្រូវ​បាន​គេទម្លាយថា ស្នេហានេះទើប​នឹង​មាន​ពន្លក តែពួកគេក៏​វិវឍ្ឍន៍លឿន​ដែរ ដោយពេលនេះ​រយៈពេល​តែជាង៣ខែ ក៏ប្រព្រឹត្តដំណើរស្នេហ៍​ដល់​ចំណុច​ស៊ី​ជម្រៅ​ទៅ​ហើយ។

នៅ​មុខនេះ បន្ទាប់ពីសម្តែងរួមនឹង នាង សាត់ រស្មី ក្នុង​បទចម្រៀង លោក ម៉ារ៉ា ប៊ុណ្ណា តែងតែលួចសរសើរសាត រស្មី ប្រាប់មិត្តអ្នកសិល្បៈ ថាស្អាត និងថែមលួចបង្ហើបថា​នាង​​ជា​មេផ្ទះ​ដ៏ឆ្លាតវៃផងដែរ ដោយចេះទុកដាក់ និ​យា​យ​រួម​រឿង​អាហារ ចេះធ្វើសព្វគ្រប់​បំពេញ​ចិត្តលោក។ បន្ថែមនោះ ក៏​ត្រូវបាន​មិត្តភ័ក្តស្និទ្ធនិង​ម៉ារ៉ា ប៊ុណ្ណា ទ​ម្​​លា​យ​ទៀតថា «ម៉ារ៉ា ប៊ុណ្ណា និង​សាត រស្មី កំពុងផ្អែមល្ហែម ជាមួយគ្នា ដោយរួមរស់ក្នុងដំបូល តែមួយ ជាមួយគ្នា ដូច​លលកញីឈ្មោល»។

ប៉ុន្តែពេលសូមការបកស្រាយនោះ ម៉ារ៉ា ប៊ុណ្ណា មិន​បាន​បដិសេធ​នឹងព័ត៌មាន​កំពុង​ល្បី​រន្ទឺនោះទេ ។ ប៉ុន្តែ​លោកថា «រឿងនេះមាន​ទុកឲ្យពេលវេលា​ស្រាយបំ​ភ្លឺ។​យ៉ាងណាបន្តិចទៀតនឹងដឹងច្បាស់​​»។