ភ្នំពេញ៖ រំពេចនឹងដំណឹង តារាចម្រៀងទៅពីកម្ពុជា កញ្ញា ម៉ុក អានីត និង លោក ខេវិន បានទៅដល់ទឹកដីកាណាដា ល្បីបាត់ខ្លួនភ្លាមៗនៅព្រលានយន្តហោះ ក៏លេចឡើង លោក ឃុន ដេវីដ ស្ពុនស័រនៅទឹកដីកាណាដា ប្រកាសប្តឹងតារាចម្រៀងពីរដូងឡើងតុលាការ ដោយចោទថា ពួកគេរំលោភកិច្ចសន្យា។នៅថ្ងៃទី២២សីហានេះ លោក ខេវិន ក៏ចេញវីដេអូ ប្រតិកម្មនិងប្រកាសប្តឹង លោក ឃុន ដេវីដ ឡើងតុលាការវិញម្តង។
ក្នុងគណនីហ្វេសប៊ុកលោក ឃុន ដេវីដដែលបង្ហោះរូបតារាចម្រៀង ម៉ុក អានីត និងលោក ខេវិន ក៏បានបង្ហាញថា តារាចម្រៀងពីរដូងមកពីកម្ពុជារូបនេះ ពួកគេរំលោភកិច្ចសន្យា ស្ពុនស័រធានាមកសម្តែង ។ ពួកគេមុននេះល្បីបាត់ខ្លួននៅព្រលានយន្ត តែតាមប៉ូលីសព្រលានយន្តហោះប្រាប់ថា ពួកគេមានអ្នកមកទទួល ហើយប៉ូលីសក៏ដឹងថា ពួកគេសម្រាកនៅកន្លែងណាដែរ»។ បុរសអាណិកជនកាណាដា ដែលគេស្គាល់ថា ជាអ្នកស្ពុនស័រ ឈ្មោះ ឃុន ដេវីដ ក៏បានប្រកាសថា បើតារាពីរដូងនៅបន្តលាក់ខ្លួន មិនចេញមកដោះស្រាយម្ចាស់ស្ពុនស័រ នឹងប្តឹងទៅតុលាការក្រុងម៉ុងរ៉េអាល»។
តែយ៉ាងណា នាង ម៉ុក អានីត ក្រៅពីរងការចោទថា បានរត់គេខ្លួនពីម្ចាស់ស្ពុនស័រ នៅមិនឃើញចេញមុខមកធ្វើការបកស្រាយយ៉ាងណានោះទេ ក្រៅពីដៃគួរលោក ខេវិន ក៏ចេញវីដេអូធ្វើការប្រតិកម្មធ្ងន់ៗទៅនឹងការប្រកាសប្តឹងរបស់លោក ឃុន ដេវីដ។ លោក ខេវិន ដែលប្រកាសប្រាប់អ្នកគាំទ្រក្នុងវីដេអូថា ពេលនេះរូបលោកនិងកញ្ញា ម៉ុក អានីត នៅសុខសប្បាយធម្មតា និងចេញសម្តែងធម្មតា លោកក៏បានប្រាប់ថា សូមបងប្អូនកុំចាញ់បោកបុគ្គលឈ្មោះ ទុន ពុន ហៅ ឃុន ដេវីដ ។
គាត់ជាម្ចាស់ស្ពុនស័រម្នាក់តែងធ្វើទុក្ខបុកម្មិញតារាៗមកពីកម្ពុជា។ បន្ទរនឹងសំដីបង្ហើបថា បុគ្គល ទុន ពុន ហៅ ឃុន ដេវីត រូបនេះថែមទាំងកន្លងមកបៀតបៀនកេរ តារាចម្រៀងដែលលោកធានាមក និងបិទសិទ្ធពួកគេ។ លោក ខេវិន ក៏ប្រកាសថា បើនៅតែបន្តបង្កាច់បង្ខូចពួកខ្ញុំបន្តទៀត បើមិនដូច្នេះទេ ពួកយើងនឹងដាក់ពាក្យប្តឹងបុគ្គលនេះឡើងតុលាការ »។
