រាជធានីភ្នំពេញ៖ លើផេកផ្លូវការរបស់ឧកញ៉ាចិត្តធម៌ ទៀ វិចិត្រ បានបង្ហោះនូវសកម្មភាព បញ្ជាឲ្យចេញនូវមធ្យោបាយធ្វើដំណើរ (អូប័រ) ភ្លាមៗ ដើម្បីជួយសង្គ្រោះអ្នកជំងឺម្នាក់ដើម្បីបញ្ជូនទៅព្យាបាលនៅមន្ទីរពេទ្យទាន់ពេលវេលា ដោយរៀបរាប់ថា៖ «ក្រោយពីទទួលដំណឹងថាមានប្រជាពលរដ្ឋដួលប្រកាច់ គាត់ឈ្មោះ លោកគ្រូ ងែត រ៉ុង ភេទប្រុស អាយុ 35ឆ្នាំ មុខរបរជាគ្រូបង្រៀននៅសាលាបឋមព្រែកស្វាយ ស្ថិតនៅក្នុងសង្កាត់កោះរ៉ុង.ក្រុងកោះរ៉ុង.ខេត្តព្រះសីហនុ អាការៈបណ្តាលមកពីមូលហេតុលើសឈាម ខ្ញុំក៏សម្រេចបញ្ជូនអូប័រទៅទទួលយកគាត់មន្ទីរពេទ្យភ្លាមៗ សូមអរគុណក្រុមការងារទាំងអស់ដែលបានជួយគាត់ទាន់ពេល »។

នៅពីក្រោមសកម្មភាពដ៏ល្អប្រពៃ បង្ហាញទឹកចិត្តជួយគ្នាគ្រាអាសន្នក្នុងនាមជាប្រជាជនខ្មែរតែមួយនេះ គេឃើញមានអ្នកលេងបណ្ដាញសង្គមជាច្រើនបានផ្ទុះនូវការស្ងើចសរសើរទឹកចិត្តឧកញ៉ា ទៀ វិចិត្រ ក្រៃលែង ដោយមានអ្នកខ្លះបានបញ្ចេញនូវពាក្យពេចន៍ជូនពរសព្វគ្រប់ ប៉ងឲ្យឧកញ៉ាជួបរឿងល្អក្នុងជីវិតថា៖ «អំពើល្អរបស់បងមិនសាបសូន្យទេ សូមគោរពបងប្រុសខ្លាំងណាស់ »៕