តាកែវ៖ អ្នកនាង ចន ច័ន្ទលក្ខិណា ប្រធាន​សមាគម​សិល្បករខ្មែរ រួម​នឹង​រៀមច្បង​សិ​ល្បៈ​​​​​និងមិត្ត​ភក្កិ​រួម​អាជីព​ចំនួន​៥ នា​ព្រលប់​ថ្ងៃទី​២៤ខែសីហានេះ​បានស្កាត់​ពី​ភ្នំពេញ​ ​នាំយក​​មូ​ល​និធិ​ចាស់​ជរាទៅ​ផ្តល់​ជូន​ព្រឹទ្ធភិរម្យ​​ចាប៉ីដងវែង លោក តា​ប្រាជ្ញ ឈួន​ ដល់​លំនៅ​ដ្ឋានលោក​កំពុង​រស់នៅនៃទី​ជនបទខេត្តតាកែវ ស្រុ​ក​ទ្រាំង។

គួររំឭកថា លោកតា ប្រាជ្ញ ឈួន ត្រូវបាន​ក្រសួង​វប្បធម៌និង​វិចិ​ត្រ​សិល្បៈ​ដាក់​ងារ​ឲ្យ​លោក ជាព្រឹទ្ធភិរម្យ​ចាប៉ីដងវែង។ខណៈ​មួយ​ជី​វិ​ត​លោក ដ្បិត​លោក​រស់​ក្នុង​ភព​ងងឹត ជាអ្នក​ពិការភ្នែក​ ប៉ុន្តែ​បា​ន​ប​ម្រើវិ​ស័​យសិល្បៈចម្រៀង​ចាប៉ី រហូត​ពិភព​លោក​ ទទួ​ល​ស្គា​ល់​ចា​ប៉ី​ដងវែង​ខ្មែរ និងបា​​ចុះឈ្មោះ​ក្នុង​បញ្ជី​បេ​តិ​ក​ភ​ណ្ឌ​​​វប្បធម៌​អរូ​បី​ម​នុ​ស្សជាតិ ​របស់​អង្គការ​យូណេស្កូនា​ថ្ងៃទី​៣០ ខែវិច្ឆិកាឆ្នាំ​២០១៦។

ដោយ​ក្តីកាត្តញួក៏​ដូចជាចេតនា ដើម្បី​បាន​ទៅ​ជួប​នឹង​សួរសុខទុក្ខ ​ដល់​​ព្រឹ​ទ្ធ​ភិ​រ​ម្យ​ចាប៉ី​ដងវ័យ​ លោក តា ប្រាជ្ញ ឈួន ដែល​មាន​ព្រះ​ជន្ម​ជិត៨០ឆ្នាំ ​លោក​ក៏​រស់​នៅ​ស្រុកកំណើត​ទឹកដីជាយខេត្តតាកែវ​នោះ នៅ​ល្ងាចថ្ងៃ​ទី​២​៤​ខែ​សី​ហា​នេះ​ ​អ្នក​នាង ចន ច័ន្ទលក្ខិណា ប្រធាន​សមាគមសិល្បករខ្មែរ​ ក៏នាំយក​មូល​និ​ធិ​ចាស់​ជរា ទៅ​ផ្តល់​ជួបលោក ទាំងយប់អាត្រាត​។

  ​ប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា បាន​ឲ្យ​ដឹងថា «មូល​និធិចាស់ជរា ដែលខ្ញុំរួម​នឹងរៀមច្បងសិល្បៈ​ លោក ឧកញ្ញ៉ា ទុំ សារ៉ុត ហៅ​នាយ​ឃ្លោក នឹងមិត្តភក្កិសិល្បៈចំនួន​៥នាក់​បាន​ធ្វើ​ដំណើរពីភ្នំពេញ​ស្កាត់​យក​មក​ជូន​លោក តា ប្រាជ្ញ ឈួន ដល់ផ្ទះ​លោកកំពុង​រស់នៅ​ស្រុកទ្រាំង​»។

អ្នក​នាង ចន ច័ន្ទលក្ខិណា បញ្ជាក់ថា អំណោយ​ពីមូល​និធិ​ចាស់​ជរា យកមក​ជូន​លោក​តា ប្រាជ្ញ ឈួន ពេលនេះមាន អង្ករ​មី​ត្រី​ខក រួម​នឹងទឹកប្រាក់ចំនួន​មួយ​លានរៀលផងដែរ​»។ អ្នកនាងក៏​បាន​បញ្ជាក់បន្ថែមថា «អ្វី​ដែលខ្ញុំ​រួម​នឹង​ប​ង​ប្អូ​នសិល្បៈ​សប្បាយ​ចិត្តនោះ គឺពួកយើងបាន​ស្កាត់មកពីភ្នំពេញ​ ទោះដឹងថា​មក​ដល់ផ្ទះលោកតាយប់ក៏ដោយ តែសប្បាយចិត្តបាន​ជួបលោក ព្រោះលោក​នៅ​ឆ្ងាយកម្រណាស់បាន​មក​ជួបនឹងសួរសុខទុក្ខ​លោក»។