ភ្នំពេញ៖ លោក សុខ ដែន ងារ​តារាក្បាច់​គុនប្រយុទ្ធមិនរាឈុតមរណៈ​ បាន​បកស្រាយ​​ រូប​ថត​ថើប​ជញ្ជក់​មាត់​ស្រីស្អាត អាង សូនីតា នោះ​មិន​មែន​ជាឈុតឆាកស្នេហា​ក្រៅ​ឆាក​ទេ វា​គឺ​ជា​ការ​សម្តែង​ ​MV ក្នុង​បទចម្រៀង​​”មន្ត​គាថាស្នេហ៍” ។

លោក សុខ ដែន បានលើកឡើងថា ដោយសារតែ​ទីផ្សារ​សម្ដែង មិន​សូវ​​ជាកាក់កប​អ៊ីចឹង​ហើយ​ទើបខ្ញុំងាកមក​ខំ​ធ្វើ​បទ​ចម្រៀង​ខ្លះៗ ក្រែង​មាន​ទីផ្សារ ហើយ​កន្លងមាន​​បទ​ចម្រៀង​ផ្ទាល់​ខ្លួន​៤ ទៅ៥បទ​ហើយ ដែលបាន​ថតនឹង​ចាក់​ផ្សាយ​ក្នុង​បណ្តាញសង្គម​។

ទន្ទឹមនោះ​លោក សុខ ដែន ក៏​អះអាង​ទៀតថា « ក្រៅពីធ្វើ​ចម្រៀង​ផ្ទាល់ ក៏​​ព្យាយាម​ផលិត​​រឿង​កំប្លែង​ខ្លីៗ​បាន​មួយ​ចំនួន​ផង​ដែរ។

តារា​វ័យ ៣៥ឆ្នាំ​រូប​នេះ បាន​ថ្លែង​ថា MV ១បទ​​​ខាង​លើ​នេះ ប្រសិន​បើ​ថត​​ឲ្យ​​មាន​គុណភាព​ដូច​ផលិតកម្ម​ក្នុង​ស្រុក ត្រូវ​ចំណាយ​ប្រាក់​​មិន​ក្រោម​១ពាន់​ដុល្លារ​ទេ ប៉ុន្តែ​​ដោយ​​មាន​​មិត្តភ័ក្ដិ​ ព្រម​នឹងកញ្ញា អាង សូនីតា ក៏​មកថតមិនគិតថ្លៃនោះ​ យើង​​ចំណាយ​អស់​ត្រឹម​តែ​ជាង​១០០ ដុល្លារ​លើ​​អាហារ​ប៉ុណ្ណោះ។