ភ្នំពេញ៖ តារាកំប្លែងលោក អ៊ូ ប៊ុណ្ណារ៉ាត់ ហៅក្រឹម ហាក់​ទទួល​ស្គាល់​កំហុ​ស​ឆ្គ​ង​របស់ លោក ចំពោះការ​ដែល​ភរិយាដើម អ្នក​ស្រី វង្ស ឡុងមុន្នី បាន​ចេញ​​មុខ​បកអាក្រាតរឿង​លោក​លួចលាក់ស្នេហា​ជាមួយ​តារា​កំប្លែងក្នុង​ក្រុម​ នាង គង់ ច័ន្ទសីណា ហៅ នាង លាភ ដែល​ពេលនេះ​មាន​ផ្ទៃពោះ​កូន​ភ្លោះ​៥ខែ ។

 

អ្នកស្រីវង្ស ឡុងមុន្នី ដែលត្រូវបាន​អ្នក​សិល្បៈជាច្រើនថា អ្នកស្រីតែង​បង្ហូ​រ​ទឹក​ភ្នែក​ម្នាក់​ឯង ព្រោះតែពិបាកចិត្ត ពេល​ដែលប្តី​ទៅ​មាន​ស្នេហា​ជា​មួយ​ស្រីលាភ នោះ​ ពេលខ្លះភរិយា​ដើមនាយក្រឹមរូបនេះ មានតែទូរស័ព្ទ​រៀប​រាប់​​ប្រាប់​នាយ ចាបចៀន ទាំងអួល​ដើមកររឿង​ស្នេហាត្រីកោណ ដែល​ប្តីនាង​ជាបុរសខ្លួន​មួយជិះ​ទូក​ពីរនេះ ។

 

ពេល​នេះ​អ្នកស្រី ឡុងមុន្នី លែង​​ទុកមុខ​មាត់​ឲ្យ​ប្តីនាយ ក្រឹម និងស្រីលាភ ទៀតហើយ គឺស​ម្រេ​ច​ដាក់ពាក្យ​ប្តឹង ទៅតុលាការតែម្តង ដើម្បី​ឲ្យ​ពួក​គេ​បាន​ភ្លឺ​ភ្នែក​រឿង​មាន​ស្នេ​ហា​ជាមួយ​គ្នានេះ ដែល​រឿងនេះ​ធ្វើឲ្យមហាជន​ភ្ញាក់​ផ្អើល​មិនតិចឡើយ ហើយ​អ្នកខ្លះមាន​ចម្ងល់ថា ហេតុអ្វី​ស្រី​លាភ​យកប្តីគេ ធ្វើ​ឲ្យ​ប្រពន្ធ​ដើមរង​ទឹក​ភ្នែកបែបនេះ​។

 

ប៉ុន្តែ​យ៉ាងណា នាយ ក្រឹម មិនបានបកស្រាយអ្វីវែងឆ្ងាយនោះ​ទេ ចំពោះ​ព័ត៌មាន​ផ្ទុះ​ឡើងក្នុង​រង្វង់ស្នេហ៍ត្រីកោណ ដែលកំពុងល្បីធ្វើ​ឲ្យ​ប្រពន្ធ​ដើម​រង​ទឹក​ភ្នែកនោះ ។ដោយ​លោក អះអាងខ្លះថា រូបខ្ញុំ​នៅ​តែជាប្តី​នឹង​ជា​ឪពុក​ដ៏​ល្អ​ដដែល​ មិន​ដែល​សប្បាយ​ភ្លេច​ប្រពន្ធកូន​ឡើយ​។

 

នាយ ក្រឹម បានពោល​ថា ធម្មតា ប្តីមានស្រីប្រពន្ធណាទៅសប្បាយចិត្តទៅ ។ រឿងនេះ​ខ្ញុំ​ដឹង​ហើយ​ថា តាមផ្លូវ​ច្បាប់​គឺខ្ញុំខុស​ ព្រោះខ្ញុំ​នឹងប្រពន្ធ​ដើម​មិនបាន​លែង​លះគ្នាទេ ។នាយ ក្រឹមពោលទៀតថា​ បើ​គាត់ប្តឹងខ្ញុំ​ឡើង​តុ​លា​ការខ្ញុំ​ក៏មិន​ដឹងថា ម៉េច​ដែរ។​ តែចិត្តខ្ញុំ​មិន​ដែលចង់បែកពីប្រពន្ធ​ដើមដែរ ហើយដូចខ្ញុំ​អះអាងចឹង ខ្ញុំ​នៅ​តែបំពេញ​តួ​នាទីធ្វើ​ប្តីនិង​ជាឪពុកកូន​ដ៏​ល្អដដែល​។