ភ្នំពេញ​៖ ​តារាកំប្លែងជើងចាស់​ពីរដូង នាយ ចាប ចៀន និង​ នាយ កុយ បាន​រួម​គ្នា​ប្រកាស​ រក​អ្នក​ស្នង​មរតក​សិល្បៈ​ផ្នែក​កំប្លែង។ ខណៈ​លោក ហេង ឡុង ក៏បាន​បង្ហើប​ថា ការ​ប្រ​កា​សរបស់​កំពូលតារាកំប្លែង​ពីរ​ដូង នឹងរួម​គ្នា​បង្កើត​កម្ម​វិធី​ប្រលង​ជើងរើសអ្នក​កំប្លែង ប្រចាំ​​ទូ​រ​ទ​ស្សន៍​​សិល្បៈ​អនឡាញ​។ ​

លោក ហេង ឡុង បាន​អះអាង​ថា ការដែល​យើង​ធ្វើនេះ​ដើម្បី​គាំទ្រ ក៏​ដូច​ជា​ចេត​នា​ជម្រុញ​​ឲ្យ​​វិ​ស័​យសិល្បៈ​ផ្នែកកំប្លែងរីកចម្រើន និង​មាន​អ្នកបន្តវេន​។ ក៏​រំភើប​ដែរ ដែល​បាន​​តា​រា​កំ​ប្លែ​ង​​ល្បី​ៗ​ដូចជាពូ កុយ លោក ពូ ចាប ចៀន​ ហើយ​គាត់​គាំទ្រគំនិតនេះ ទើប​ពួកយើង​ ​ស​រ​សេ​រ​​ប្រកាសផ្សព្វផ្សាយ​ជ្រើស​រើសរកសិស្ស​កំប្លែង ​»។

បើ​ទោះ​យ៉ាងណា កាលកំណត់​បើក​កម្ម​វិថី​ប្រលង​នៅ​មិន​ទាន់​បាន​កំណត់​ពេល​វេលា​នោះ​ទេ ប៉ុន្តែ​​​លោក ហេង ឡុង ប្រាប់​ថា «វាជាគំនិតទើប​នឹង​ចាប់​ផ្តើមក្នុង​ពេលខ្លី​ តែ​យើ​ង​​និង​ពន្លឿន​ គំនិតសិល្បៈ​ដ៏​ល្អនេះឲ្យ​វាលេច​ឡើង​ក្នុ​ងពេលឆាប់​ៗ ខណៈ​កម្ម​វិធី​នេះ​យើង​នឹង​ប្រលង​ជ្រើសរើសអ្នក​មាន​សមត្ថភាពកំប្លែងប្រចាំទូរទស្សន៍​សិល្បៈ​អនឡាញ​»។ បន្ថែម​នោះលោក ហេង ឡុង ប្រាប់ថា«ចំណែក​លក្ខខណ្ឌ​ជ្រើសរើស បេក្ខ​ជន​​អាយុពី​១៨ឆ្នាំ ឡើង​​​ទៅ​២៥ឆ្នាំ ។

អ្នក​ដែលមានចំណាប់​អារម្មណ៍ចងក្លាយ​ជា​អ្នក​កំប្លែង​ត ទំនាក់​ទំនង​​លេ​ខ​​​ទូរ​ស័​ព្ទ​​ ០១៧ ៩៩០ ៣៣២៕