ភ្នំពេញ៖ កាលពីរសៀលម្សិលមិញថ្ងៃទី១៤ ធ្នូ កម្មករ​សំណង់ខ្មែរ​ម្នាក់​ត្រូវបាន​ថៅកែ​ជនជាតិ​ចិន​ ​ចាប់ចង​ភ្ជាប់​ជាមួយនឹង​បង្គោល​ភ្លើង ក្នុង​ទីលាន​បាល់ទាត់ ដោយចោទថា  បានលួចខ្សែភ្លើង នៅ​ចំណុច​ការដ្ឋាន​សង់​ខុន​ដូ មជ្ឈមណ្ឌល​ព្រី​នស៍​ផ្លា​ហ្សា តាម​បណ្តោយ​ផ្លូវ​ព្រះ​ នរោត្តម ក្រុម​៦២ ភូមិ​១០ សង្កាត់​ទន្លេបាសាក់ ខណ្ឌចំការមន​។

កម្មករ​សំណង់ខ្មែរ ​ត្រូវ​ថៅកែ​​ចិន យក​ខ្សែភ្លើង​រាប់សិប​ខ្សែមក​ចងរឹត​រុំ​ព័ទ្ធជុំវិញ​នោះ ត្រូវបានគេស្គាលថា ឈ្មោះ ហោ សុ​ភី អាយុ​៣០​ឆ្នាំ ជា​កម្មករ​ក្នុង​ការដ្ឋាន​សង់​ខុន​ដូ មជ្ឈមណ្ឌល​ព្រី​នស៍​ផ្លា​ហ្សា ស្នាក់នៅ​ទីតាំង​កើតហេតុ​ខាងលើ និង​មាន​ស្រុកកំណើត​នៅ​ស្រុក​កំចាយមារ ខេត្តព្រៃវែង​។ កម្មករសំណង់ជាប់ចំណងនោះ ត្រូវបាន​ស្រាយចំណងវិញ ខណៈសមត្ថកិច្ចនគរបាល​ប៉ុស្តិ៍​ទន្លេបាសាក់បានចុះមកដល់ និងធ្វើការសួរនាំនិងដោះស្រាយតាមនិតិវិធី ។

តែទោះជាយ៉ាង​ កម្មករ​សំណង់ម្នាក់នោះ មិនត្រូវបានកសាងសំណុំរឿងបញ្ជូនទៅតុលាការទេ ដោយគ្រាន់តែអប់រំណែនាំប៉ុណ្ណោះ ហើយពេលនេះត្រូវបានដោះលែងឲ្យមានសេរីភាពវិញហើយ ៕