អាមេរិក៖ ក្រោយពីប្រជាពលរដ្ឋចាប់ជនសង្ស័យ​ម្នាក់ ត្រូវជាឪពុកចុង ចាប់រំលោភ​កូនស្រី​ចុង​វ័យ​ទើបតែ ១៥ ឆ្នាំ ជាច្រើន​ដង ដែល​ករណីនេះ បាន​កើតឡើង​នៅក្នុង​ទីក្រុង សាន់តាក្លូស ភាគ​ខាងជើង​នៃ​រដ្ឋ​ហ្គា​តេ​ម៉ា​ឡា ប្រទេស អាមេរិក​កណ្ដាល ។​ ឪពុកចិត្តតិរច្ឆាន​ចាប់រំលោភកូនចុងខ្លួនឯង ត្រូវបានគេស្គាល់ថា ឈ្មោះ មីកហ្គែល វ័យ ៤០ឆ្នាំ រស់នៅជាមួយកុមារីរងគ្រោះខាងលើ ។

បន្ទាប់ពី​បាន​ប្រព្រឹត្ត​បទល្មើស​លើ​កូនស្រី​ចុង​របស់ខ្លួន អាជ្ញាធរ​បាន​ទទូចសុំទៅប្រជាពលរដ្ឋថា «គួរតែទុកបុរស​រូបនេះ ដើម្បីរកប្រាក់​សម្រាប់​បង់ថ្លៃ​សាលា ឬ​ការសិក្សា​ឲ្យ​ក្មេងស្រី​រងគ្រោះ ជំនួស​នៃ​ការដាក់​គុក» ។​ ​ប្រភព​បាន​បន្តថា ក្រៅពីនេះ ជនល្មើស​ត្រូវតែ​ពិន័យ បង់ថ្លៃ​សម្រាប់​ការសិក្សា​របស់​កូនស្រី​ចុង​រយៈពេល ៦ ឆ្នាំ ព្រមទាំង​ត្រូវ​ផ្ដល់ប្រាក់​ឧបត្ថម្ភ​ប្រចាំខែ និង ទិញ​ដី​មួយកន្លែង​សម្រាប់​នាង ។ អាជ្ញាធរមាន​សមត្ថកិច្ចកាត់ទោសដោយវិធីនេះ យោងតាមសុខភាពកុមារីរូបនេះនៅល្អ ហើយ​ណាមួយ​ប្រសិន បើ​ជនរងគ្រោះ​ជាប់គុក តើ​មាន​អ្នកណា​ផ្គត់ផ្គង់​ថ្លៃបង់​សាលា​របស់​កូនចុង​រូបនេះ ៕