ភ្នំពេញ៖ ក្រោយចេញវីដេអូក្រៅឆាក តារាចម្រៀង  មាស​ សុខសោភា សម្រាប់បទថ្មី «My Only one» ដែល​ថត​ដល់​ទឹកដី​ប្រទេស​គុយបា​នោះ ពេលនេះកំពុងទទួលរងការរិះគន់យ៉ាងចាស់ដៃពីសំណាក់មហាជនគ្រប់មជ្ឈដ្ឋាន ។ ជាមួយគ្នានោះដែរ តារាសម្តែងសម្ញែង​ដើមទ្រូង ដេននី ក្វាន់ ដែលត្រូវបានគេដឹងថា នាងជា អាយដល មាស សុខសោភា ផងនោះ បានលើកឡើងជុំវិញរឿងនេះថា «Idol របស់ខ្ញុំ​គាត់​ស្លៀកប៉ុណ្ណឹង​គឺវាមិនចម្លែក​នោះទេ​ ព្រោះ​គាត់​ស្លៀក​ថត​នៅ​សមុទ្រ​ហើយ​ក៏ជា​សិល្បៈ​ក្នុងការ​សម្តែង​យ៉ាងណាក៏​ខ្ញុំនៅតែ​ស្រលាញ់​ចូលចិត្ដ​គាត់​ដដែល​ព្រោះ​មិន​អាច​វាយត​ម្លៃមនុស្ស​ត្រឹមតែការ​ស្លៀកពាក់​នោះ​ទេ» ។

តារាសម្តែងរូបនេះបានបន្តថា «បើ​សិន​ជា​ឈុត​ដែល​ មាស សុខសោភា ស្លៀកនោះ យកមក​ខ្ញុំជា​អ្នក​ស្លៀក​វិញ​ ប្រាកដ​ណាស់​ ត្រូវក្រសួងផ្អាកយ៉ាងតិចក៏មួយឆ្នាំទៀតដែរ»។ គួរបញ្ជាក់ផងដែរថា កញ្ញា ដេននី ក្វាន់ ត្រូវ​បាន​ក្រសួងវប្ប​ធម៌​ និងវិចិត្រសិល្បៈ ប្រកាសដកសិទ្ធិជាសិល្បកររយៈពេលមួយឆ្នាំ កាល​ពីពេលកន្លង​ទៅនេះ ដោយ​សារ​តែការ​តុបតែង​ខ្លួន​សិច​ស៊ី​​ពេក ដោយក្រសួងថា នាំឲ្យបាត់បង់តម្លៃស្ត្រីខ្មែរ និងខូចទំនៀមទំលាប់ប្រពីណីខ្មែរផងដែរ៕