ភ្នំពេញ៖ ស្បែកមុខ​ជ្រៀវជ្រួញ​ សក់ក៏​ស្កូវ​ព្រោង​ ស្រ្តី​វ័យ​៦៥ឆ្នាំ ជៀប ម៉ុន ត្រូវ​បាន​កំលាំង​អន្ត​រាគ​មន៍ខណ្ឌពោធិសែនជ័យ ​ឃាត់​ខ្លួន​ជាមួយ​នឹង​គ្រឿង​ញៀន​ចំនួន​៣កញ្ចប់​តូច​។ តែអ្វី​ដែលគួរ​អាសូនោះ គឺគាត់បានសារភាពថា រកដើម្បីចិញ្ចឹមជីវិត។

ការឃាត់ខ្លួននេះ ត្រូវ​បាន​កំលាំងសមត្ថកិច្ចបង្ហាញថា ឃាត់នៅភូមិព្រៃដូនអុក សង្កាត់​ត្រពាំ​ង​ក្រសាំង កាលពីវេលាម៉ោង១២និង១៥នាទីរសៀល ថ្ងៃទី២២ ខែធ្នូ ឆ្នាំ២០១៧ សាកសួ​ររួ​ចប​ន្តទៅតាមចាប់ជនសង្ស័យ២នាក់ទៀត នៅភូមិថ្មគោល២ សង្កាត់ចោមចៅ២ ខណ្ឌ​ពោធិ​សែន​ជ័យ​។ ស្ថិត​ក្នុងបន្ទប់សាកសួរ​ពី​សមត្ថកិច្ចនោះ លោកយាយ វ័យ​៦៥ឆ្នាំ បាន​ប្រាប់ថា «ខ្ញុំបាន​ទិញ​មក​ពី​តំបន់ភូមិថ្មគោល សង្កាត់ចោមចៅ២ ដើម្បីយកទៅលក់បន្ត គ្រាន់បានកម្រៃ ចិញ្ចឹ​មជី​វិត​»។