ភ្នំពេញ៖ តារាសម្ដែង មាស សម្ផស្ស ដែលល្បីជូបតែរឿងស្នេហាខកបំណង ប៉ុន្តែនាងធ្វើឲ្យមជ្ឈដ្ឋានជាច្រើនស្ងើចសរសើមិនដាច់ពីមាត់ និងវីដេអូផ្សព្វផ្សាយក្នុងគណនីហ្វេសប៊ុកទទួចរកជំនួយមនុស្សធម៌ជួយស្រ្តីរលាក់ភ្លើង ដោយផ្ទុះហ្គាស បណ្តាលឲ្យដំបៅរលួយពេញខ្លួន ទាំងជីវភាពក្រីក្រ នៅខេត្តពោធិសាត់។ នាង មាស សម្ផស្ស ព្រមនឹងដំណើរជីវិត ប្រឡូកក្នុងវិថីសិល្បៈសម្តែងជាង១០ឆ្នាំមកនេះ នាងក៏ត្រូវបានមជ្ឈដ្ឋានមហាជននាំគ្នាលាន់មាត់ថា នាងគឺជាតារាស្រីម្នាក់មានខ្សែជីវិត អភ័ព្វ ខណៈនាងបានរំលេចចំណងជីវិតស្នេហា មានទាំងការប្រកាសចូលរោងការ ប៉ុន្តែបំណងនោះរមែងបរាជ័យរហូត។

 

តែយ៉ាងណាថ្មីៗនេះ តារាសម្តែងរូបនេះ បែរជាត្រូវបានមហាជនពោលសរសើរថា នាងក៏ជាសម្តែងទឹកចិត្តសម្បុរធម៌ចេះចែករំលែកទុក្ខ លំបាករបស់អ្នកដទៃ បន្ទាប់នាងបានបង្ហោះវីដេអូ បង្ហាញសារទទួចរកជំនួយមនុស្សធម៌ជួយស្ត្រីដំបៅរលួយពេញខ្លួននៅខេត្តពោធិសាត់។ ក្នុងវីដេអូផ្សព្វផ្សាយក្នុងគណនីហ្វេសប៊ុកនាងបានរៀបរាប់ថា«នាងខ្ញុំ មាស សម្ផស្ស សូមលំឳនកាយគោរពទៅដល់បងប្អូនទាំងអស់ហើយក៏សូមជួយចែករំលែកវីដេអូមួយនេះដើម្បីឲ្យបងប្អូនទូទាំងប្រទេសបានដឹងនិងបានឮព័ត៌មានបងស្រីឈ្មោះ ចិន្ថា ដែលជួបគ្រោះថ្នាក់ផ្ទុះហ្គាសដែលកំពុងធ្វើការសំរាកព្យាបាលនៅមន្ទីពេទ្រខេត្តពោធិសាត់នេះផង» ។ បន្តសំដីទទួចនោះ តារាសម្តែង នាង មាស សម្ផស្ស បានបន្ថែមថា«ហើយក៏សូមធ្វើការអំពាវនាវ ដល់សប្បុរសជនទាំងអស់ ដែលមានបំណងចង់ជួយជាថវិការតិចក្តីច្រើនក្តី តាមកំលាំងសទ្ធាជ្រះថ្លាណាសូមអគុណ 012/015 454 838»។