កណ្តាល៖ កាលពី​ល្ងាចម៉ោង៤និង៣០នាទីថ្ងៃទី២៤ ខែធ្នូ ឆ្នាំ២០១៧ គ្រោះថ្នាក់​ចរាចរណ៍​ដ៏​រន្ទត់​ តែមួយ​ប៉ព្រិច​ភ្នែក​មនុស្ស​មួយ​គ្រួសារមានប្តី​ប្រពន្ធនិងកូន​រួម​នឹង​ក្មួយ​ ត្រូវ​បាត់បង់​ជីវិត​ពី​លោក​នេះភ្លាមៗទាំង​រូប​កាយ​ក៏​ខ្ទេចខ្ទាំ​ នៅ​លើ​ទ្រួង​ផ្លូវ​ជាតិ​លេខ​៤១​ នៅ​ចំណុច​ជិតផ្សារ​ថ្នល់​ទទឹង​ ។ ខណៈជនរងគ្រោះជិះម៉ូតូ សែ១២៥ ស្លាកលេខ ភ្នំពេញ 1CW. 4614 បានជិះក្នុងទិសដៅបញ្ច្រាសទិសគ្នានឹងឡានដឹកដី និងបានបុកពេញទំហឹងនៅចំណុច​ខាងលើ។

ក្រោយ​រូប​ភាព​សាកសព​មួយ​គ្រួសារដេក​ដួល​រណូក​រណែល​ ដែល​ក្លាយ​ក្តី​ស្រមើស្រម៉ៃ នៃហ្វូង​មហាជន​ដែលបាន​ឃើញ​គ្រោះ​ដ៏​រន្ទត់នេះ រួម​ទាំង​ក្រុមគ្រួសារ​ក៏​ស្ថិត​ក្នុង​ក្តី​ក្តុក​ក្តូល​អាលោះ​អាល័យ ដែលបាត់បង់មនុស្ស​មួយគ្រួសារ​មួយ​ប៉ព្រិត​ភ្នែក​នេះ ។

ក្រោម​ថ្ងៃនេះ​មួយ​ថ្ងៃ​ពីមន្រ្តី​តុលាការខេត្ត​កណ្តាលក៏​បង្ហាញ​ពី​ចំណាត់ការ បើកផ្លូវ​យុត្តិធម៌​ឲ្យព្រលឹង​សពមួយគ្រួសារបាន​ស្ងប់ ជាមួយ​នឹងការ​បង្ហាញ​ឈ្មោះ យុវជន​បើកបររថយន្ត​បង្កគ្រោះថ្នាក់​ដ៏​រន្ទត់នោះ គេមាន​ឈ្មោះ សេង ចាន់ឌឿន អាយុ២៣ឆ្នាំ ហើយ​នៅ​ថ្ងៃទី​២៥ខែធ្នូនេះ តុលាការ​បាន​ចេញដីការឃុំខ្លួន ក្រោម​បទបើ​កបរខ្វះការ​ប្រុ​ងប្រយ័ត្ន​បង្ក​គ្រោះថ្នាក់​ដល់​អ្នក​ដទៃ​។