ភ្នំពេញ​៖ បន្ទាប់​ពីផ្ទុះ​ការ​ចោទ​ធ្ងន់​ៗ បង្ហោះ​ការ​ផ្សព្វ​ផ្សាយ​ជា​សាធារណៈ​នៅ​ក្នុង​បណ្តាញ​សង្គម ដោយ​ថា តារាសម្តែង​ នី មុន្នីនាថ នាង​មិន​ត្រឹម​តែ​ពូកែ​សម្ដែង​តែ​ក្នុង​រឿង​ប៉ុណ្ណោះ​ទេ​ ថែមទាំងចេះសម្ដែង​នៅខាងក្រៅផង និងថានាងបោកប្រាស់លុយកាក់ និង​គ្រឿង​អល​ង្កា​មា​ស​ពេជជាច្រើនពី​គូដណ្តឹង​ តែពេលនេះ​បែរ​សុំផ្ដាច់។

តាមរយៈការល្បីសុះសាយនៅលើក​បណ្តាញសង្គ​មថា តារាសម្តែង​ នី មុន្នីនាថ បោក​ប្រាស​គូដណ្តឹងនោះ ​នៅ​រសៀល​ថ្ងៃ​ទី​៣១ខែសីហា ម្តាយ​ កញ្ញា នី មុន្នីនាថ ក៏​ចេញ​មក​ធ្វើ​ការ​បក​ស្រាយ​ជួស​កូនស្រី ខណៈ​ដែល សាមីខ្លួនដែល​កំពុង​អាស្រូវឈ្មោះ​ បដិសេធ​មិនធ្វើ​ការ​បំភ្លឺ​នេះ ។

ម្តាយ នី មុន្នីនាថ បានប្រាប់យ៉ាង​ដូច្នេះ​ថា «ខ្ញុំ​មានការភ្ញាក់ផ្អើលយ៉ាងខ្លាំង​ បន្ទាប់​ពី​បាន​ឃើញ​ការ​ផ្សព្វផ្សាយ​ថា កូនស្រីខ្ញុំ នាថ រៀបគម្រោង បោក ប្រាស់​គូដណ្តឹង ជាមួយ​នឹង​ពាក្យ​ថា នាង​មិនត្រឹម​តែពូកែសម្តែងក្នុង​រឿង ភាពយន្ត ក្រៅភាពយន្តក៏​ពូកែសម្តែង​អីណា»។​

អ្នកស្រីក៏​បាន​បដិសេធទៀតថា «មុន្នីនាថ​ មិន​បាន​​បោក​ប្រាស់​គូដណ្ដឹង​យក​លុយ​មក​ទិញ​ផ្ទះ​ឡាន មាសពេជ្រ និង​គ្រឿង​អល​ង្កាមួ​យ​ចំ​នួ​ន​នោះ​ទេ ​ហើយ​រឿង​ថា​កូន​ស្រី​ថា​សុំផ្ដា​ច់  ពា​ក្យពីគូ​ដណ្ដឹងរឹតតែមិនពិត »។

បន្ថែមនោះ​អ្នក​ស្រីក៏​អះអាងទៀតថា «បើពួកគេស្រលាញ់គ្នាហ្នឹង ទៅ​ផ្តាច់ពាក្យណាងាយ​ៗនោះ​»។