ភ្នំពេញ៖ កាលពីម្សិលមិញថ្ងៃទី០១ មករា តារាសម្តែង សូដា នីតា បានបង្ហោះសារថ្លែងពីក្តីរំភើបឥតឧបមា ខណៈដែលតារាចម្រៀងពោះម៉ាយកូនមួយ យ៉ែម សំអូន ធ្វើខួបកំណើតឲ្យនាង​​បន្ទាប់ឆ្លងឆ្នាំចាស់ចូលឆ្នាំថ្មី២០១៨។ ក្នុងសារនោះ តារាសម្តែង និងម៉ូដែល សូដា នីតា បានសរសេរថា «អរគុណបង យ៉ែម សំអូន ទោះបីបងរវល់យ៉ាងណា ក៏មិនភ្លេចថ្ងៃខួបកំណើតរបស់ខ្ញុំដែរ។  Countdown new year រួចហើយ គឺបងតែងតែធ្វើខួបឲ្យខ្ញុំរាល់ឆ្នាំ នេះជាទឹកចិត្ត​នៃការ​ស្រលាញ់​ពិតៗ​ពីបង​ប្រុស»។

រំពេចនោះ តារាសម្តែងរូបនេះ បានជូនពរលោក យ៉ែម សំអូន ថា «នាឱកាសឆ្នាំថ្មីជូនពរបង មានសុខភាពល្អ ការងារជោគជ័យ និងសម្រេចរាល់ក្តីបំណង​នៃការប៉ងប្រាថ្នាក្នុងជីវិតរបស់បង»។ ក្រៅពីនោះ តារាសម្តែង សូដា នីតា​ បានថ្លែងអំណរគុណផងដែរ សម្រាប់បងប្អូន មិត្តភក្រដែលបាន​ចូល​រួម ដូចជា ស៊ួន ចាន់ថា, យ៉ែម ស្រីមុំ, ពៅ សុជាតា និងក្រុមភ្លេង daraentertaiment ជាដើម៕