ចិន៖ ជីវិតម្នាក់ៗកើតមក តែងតែមានការសប្បាយ កើតទុក្ខ ឈឺ និងស្លាប់ ដោយមិនមានអ្នកណាម្នាក់ជៀសរួចបានឡើយ សូម្បីតែគ្រូពេទ្យក៏​នៅតែឈឺ និងស្លាប់បានដែរ។ ជាក់ស្តែង កាលពីថ្ងៃទី២៩ ធ្នូ ២០១៧ ស្ត្រីវេជ្ជបណ្ឌិត​​ម្នាក់ ត្រូវ​បាន​ស្លាប់បាត់​បង់ជីវិត​ដោយសារតែ​ដាច់​សរសៃឈាម​ខួរក្បាល បន្ទាប់ពី​ធ្វើ​ការមិន​ឈប់​រយៈពេល​ជាង ១៨​ម៉ោង​។

​គ្រូពេទ្យដែលស្លាប់ដោយហានីភ័យការងារនោះ ត្រូវបានគេស្គាល់ថា វេជ្ជបណ្ឌិត សៅ បៀនស៊ាង (​Zhao Bianxiang) ជនជាតិចិន វ័យ ៤៣ឆ្នាំ មានតួនាទីជា​អនុប្រធាននាយកដ្ឋាន​ថែទាំ​ផ្លូវដង្ហើម​នៅ​មន្ទីរពេទ្យ​ក្នុង​ក្រុង ស៊ិនហូ ​ខេត្ដ សានស៊ី ប្រទេស​ចិន បាន​ដួលសន្លប់​នៅមុខ​អ្នកជំងឺ​ម្នាក់​។ រំពេចនោះ ក្រុមគ្រូពេទ្យបានជួយសង្គ្រោះអស់ជាច្រើនម៉ោង ប៉ុន្តែជាអកុសល អ្នកស្រី សៅ បៀនស៊ាន បានស្លាប់នៅពេលនោះតែម្តង៕