ភ្នំពេញ៖បន្តពីតារាសម្តែង ហម ឈរ៉ា និងអ្នកនាង ខាត់ សុឃីម ចេញមុខអំពាវនាវ និងស្នើឲ្យ​កូនខ្មែរ​ចូលរួម​ថែរក្សា ​និងភរិក្សអក្សរជាតិរបស់ខ្លួន ទាំងនៅមិនទាន់ឃើញលទ្ធផលឆ្លើយតបផងនោះ។

ពេលនេះក៏លេចឡើងពិធីករ សុខ សេរីវឌ្ឍនា ក៏ចេញសារទទួលលើឆន្ទៈអភិរក្សអក្សសាស្ត្រជាតិនេះដែរ។ ក្នុងសារដែលទទួចដល់យុវជនយុវត្តីជាទំពាំងស្នងឫស្សី សម្រាប់អនាគតខ្មែរនេះ ពិធីករប្រុសរូបសង្ហាលោក សុខ សេរីវឌ្ឍនា​​ បានលើកឡើងថា «ក្នុងនាមជាពលរដ្ឋខ្មែរមួយរូប ខ្ញុំបាទសូមសំណូមពរបងប្អូនខ្មែរ ដែលជា​អ្នក​ប្រើ​ប្រាស់​បណ្តាញសង្គមហ្វេសប៊ុកទាំងអស់ ចូលរួមលើកស្ទួយ និងថែរក្សាអក្សរសាស្ត្រជាតិខ្មែរ »។

ក្នុងសារនោះពិធីករទូរទស្សន៍រូបនេះបានសង្កត់ធ្ងន់ត្រង់ថា «តាមរយ:ការសរសេរអក្សរខ្មែរឲ្យបានត្រឹមត្រូវ សរសេរដោយយកចិត្តទុកដាក់ កាត់បន្ថយ ឬបញ្ឈប់ការសរសេរអក្សរបរទេសជាសូរ្យសៀងខ្មែរ (ឡាតាំង) ការសរសេរកាត់ៗ ដើម្បីឲ្យកូនក្មួយប្អូនជំនាន់ក្រោយ កុំឲ្យមានការយល់ច្រឡំលើពាក្យពេចន៍អក្សរខ្មែរ!»។ ជាមួយគ្នានៃការចេញមុខអំពាវនាវរបស់លោក សុខ សេរីវឌ្ឍនា នេះដែ​រភ្លាមៗនោះ​ក៏មានមហាជន​អ្នក​និយម​ប្រើប្រាស់ បណ្តាញសង្គមជាច្រើនបាននាំគ្នាបញ្ចេញមតិគាំទ្រចំពោះសម្តីលើកឡើងទាំងនេះ។ ម្យ៉ាង​ទៀត​ក៏មានអ្នកខ្លះបាននិយាយថា «កូនខ្មែរទាំងត្រូវតែចូលរួមថែរក្សានិងអភិរក្សនូវអក្សរជាតិរបស់ខ្លួន!»៕Image result for សុខ សេរីវឌ្ឍនា