ភ្នំពេញ៖ អតីតពលករកូរ៉េដែលមានទាំងការងារសិល្បៈ និងជំនួញនោះ គឺលោក ឡេង ណាវ៉ាត្រា បានប្រកាស​ផ្ដល់ទឹកប្រាក់ចំនួន ២៥លានវ៉ុន ប្រហាក់ប្រហែលនឹងជាង១០០លានរៀល ឬជាង២៥០០០ដុល្លារ ជូន​ដល់​សមាគមទាំងអស់ នៅក្នុងប្រទេសកូរ៉េ ដែលធ្វើការបម្រើផលប្រយោជន៍ដល់ពលករខ្មែរ។

ខណៈនោះលោកបានប្រកាសថា «នេះមិនមែនជាលើកទី១នោះទេ ដែលខ្ញុំបានយកចិត្តទុកជាមួយ ក្រុមពលករ ដោយ សារតែក្នុង ពេលមុនខ្ញុំក៏បានផលិតភាព យន្តរឿង “កំពូលល្ងង់នៅអាស៊ី” យកទៅចាក់​បញ្ចាំង​ឲ្យ​ពល​ករ​នៅប្រទេសកូរ៉េ ទស្សនាមិនគិតថវិកា និងបានបើក រោងកុនឲ្យកម្មកររោងចក្រ នៅស្រុកខ្មែរ​បាន​ទស្សនា​ភាព​យន្ត របស់ខ្ញុំផងដែរ»។

បញ្ជាក់ផងដែរសម្រាប់ក្រុមហ៊ុនលក់ដីឡូតិ៍ និងបុរីវីឡាកូនកាត់របស់លោក ក៏ផ្ដល់ឱកាស សម្រាប់ការទទួល ពល​ករដែលចង់បម្រើការងារ ដោយគ្មានការរើសអើងផងដែរ បន្ថែមពីលើការផ្ដល់ជំនួយជាទឹកប្រាក់ចំនួន ២៥​លាន​វ៉ុន ដល់សមាគមពលករកម្ពុជា នៅក្នុងប្រទេសកូរ៉េ ដើម្បីឲ្យសមាគម នោះមានលទ្ធភាពកាន់តែច្រើន ជួយ​ដល់ក្រុមពលករកម្ពុជា ជាពិសេសចំពោះពលករដែល បញ្ចប់ការងារនៅ ប្រទេសកូរ៉េ៕