បាត់ដំបង៖ ថ្មីៗនេះមានអ្នកច្នៃម៉ូដសម្លៀកបំពាកវ័យក្មេងមកពីខេត្តបាត់ដំបងម្នាក់ បានបង្ហោះ​បង្អួត​ស្នាដៃ​ជាម៉ូដនៅក្នុងបណ្តាញសង្គម ។

ដែលក្នុងនោះឃើញមានអ្នកប្រើសប្រាសបណ្តាញសង្គមពិសេសអ្នកដែលមានសមត្ថភាពផ្នែកច្នៃម៉ូដសម្លៀកបំពាក់ ក៏នាំគ្នាពោលសរសើរគ្រប់គ្នា លើម៉ូដពញ្ជនៈខ្មែរ និងបង្កប់​នូវក្បូរក្បាច់រចនា​បង្ហាញពីអត្ត​សញ្ញាណរបស់​ខ្មែរពិតៗផងដែរ។

យុវជនមួយរូបមានគណនីហ្វេសប៊ុកឈ្មោះ Nara Feshion ដែលរស់នៅខេត្តបាត់ដំបង បានបង្ហាញ​នូវស្នាដៃ​គំនូរនូវសម្លៀកបំពាក់តំណាងជាតិជាច្រើន សុទ្ធតែមានអត្ថន័យរបស់រូបនីមួយៗ ដោយ​មានឈុតជាច្រើន សុទ្ធសឹងតែទទួលបានការកោតសរសើរជាពិសេសគឺឈុត ព្យញ្ជនៈខ្មែរទាំង៣៣តួ។ ក្នុងរូប​នោះផងដែរ​ប្រសិន​បើយើងសាកស្រមៃមើលថា «ប្រសិនបើវាចេញ​ជារូបរាងពិត​នៅខាងក្រៅមិន​ដឹងជា​ស្រស់ស្អាតប៉ុណ្ណាទេ»។