ភ្នំពេញ៖ តារាសម្តែង ពេជ្រ ចរណៃ ដែលមានជំងឺដាច់សរសៃប្រើសបេះដូងនោះ ពេលនេះ នាងបានជាសះស្បើយឡើងវិញ និងបង្ហាញវត្តមានលើកទី១ ក្នុងពិធីសម្ពោធខ្សែភាពយន្តរឿង «ខ្មោចស៊ីឈ្នួល» កាលពីរាត្រីថ្ងៃទី១៧ ខែមករា ឆ្នាំ២០១៧។ ក្នុងនោះ តារាសម្តែងល្បុក្កតោ ពេជ្រ ចរណៃ ថ្លែងអំណរគុណសប្បុរជនជិតឆ្ងាយ ជាពិសេសលោក ខៃ ប្រសិទ្ធ ដែលជាជួយនាងជាទឹកប្រាក់សុទ្ធ ១ម៉ឺន៨ពាន់ដុល្លារ ដើម្បីឲ្យនាងមានលទ្ធ​ភាពធ្វើការវះកាត់។

ថ្លែងក្នុងទឹកមុខញញឹម នាងបានរៀបរាប់ថា «នាងខ្ញុំសប្បាយចិត្ត ដូចបានរស់ម្តងទៀតចឹង ដែលអាចឲ្យខ្ញុំបានមកចូលរួមកម្មវិធីសម្ពោធនេះ»។ តារារូបនេះ បានបញ្ជាក់ទៅអ្នកសារព័ត៌មានថា លោក ខៃ ប្រសិទ្ធ ពិតជាជួយនាងដោយចិត្តស្មោះ មិនគិតចង់បានថ្នូរអ្វីឡើយ មិនដូចពាក្យគេថា ហុតទឹកសំឡឹងកាកទេ។