ភ្នំពេញ៖ ក្រោយពីទទួលបានការគាំទ្រលើការ ថែរក្សានឹងអភិរក្សមរតកវប្បធម៌ដូនតា ក្រមាខ្មែរ តារាសម្តែងនិងម៉ូដែល កញ្ញា មាន សូនីតា រហូតមានងារជា រាជនីក្រមា ។ ថែមភាពទាក់ទាញនោះ ក៏មានលេចចេញនូវសំណេរសិស្សសាលាអន្តរជាតិមួយ ទទួចចង់ឲ្យ មាន សូនីតា ធ្វើជាទូតសុឆន្ទៈអង្គការដ៏ធំមួយប្រចាំនៅប្រទេសកម្ពុជាទៀត។ កញ្ញា មាន សុនីតា តារាសម្តែងស្រីមានកេរ្តិ៍ឈ្មោះល្បីល្បាញ ហើយក៏កំពុងតែច្បាមយកប្រជាប្រិយភាពយ៉ាងខ្លាំងមួយរយៈក្រោយមកនេះ

នាងត្រូវបានអ្នកគាំទ្រហៅថា រាជនីក្រមា ក្រៅពីការងារសិល្បៈ និងមានឈ្មោះ ជាម្ចាស់ផ្ទះស្រឡាញ់ ជាហាងច្នៃម៉ូដសំលៀកបំពាក់ពីក្រមា ដោយនាំចេញទៅក្រៅប្រទេសទៀត។ ដោយសារតែតារាសម្តែងស្រីវ័យក្មេងរូបនេះ មានភាពរួសរាយរាក់ទាក់ និងមានសមត្ថភាពផងនោះ ទើបនាងមានការរាប់អានច្រើនពីសំណាក់អ្នកគាំទ្រទាំងក្នុង និងក្រៅប្រទេស។

ទន្ទឹមនោះ នាងមាន សូនីតា មានការភ្ញាក់ផ្អើលយ៉ាងខ្លាំងក្រោយពីបានឃើញសំណេរមួយជាភាសារអង្គគ្លេស ពីសិស្សមួយរូបនៅសាលា ACE សិស្សិរូបនេះបានសរសេររៀបរាប់ពីមនុស្សដែលខ្លួន មានមោទនភាព និងចង់ឲ្យ មាន សូនីតា ក្លាយទូតសុឆន្ទៈក្នុងអង្គការសហប្រជាជាតិប្រចាំប្រទេសកម្ពុជា។ ដោយសារការស្រឡាញ់ និងគាំទ្រផងដែរ ទើបធ្វើឲ្យ មាន សូនីតា មានការរំភើបចិត្តជាខ្លាំង។ ក្នុងនោះនាងក៏បានបង្ហាញសារសាទរក្នុងហ្វេសប៊ុកនាងថា រំភើចចិត្តខ្លាំង ដែលមានប្អូនៗសិស្សសាលាគាំទ្រដូចនេះ តែខ្ញុំត្រឹមជាអ្នកសិល្បៈមួយរូបធម្មតា មិនហ៊ានប្រាថ្នាធំដល់ថ្នាក់ហ្នឹងទេ»។