ភ្នំពេញ៖ ជាមួយការលេចធ្លាយរូបថតពីរបីសន្លឹក ចម្រុះដោយបុរសស្រ្តី មានអ្នកនាង ឆោម និមល លោក អ៊ុង សូឡាង កញ្ញា ចាន់ ស្រីរ័ត្ន រួមនឹងបុរសប្លែកមុខចំនួនពីរនាក់ផងនោះ ដែលត្រូវ​បានចែក​ចាយនៅ​ក្នុង​បណ្តាញសង្គម។ រំពេចនោះក៏មានពាក្យលេចឮបែបជាចម្ងល់ថា«ចាន់ ស្រីរ័ត្ន មានអ្វីជាមួយ អតីតគូដណ្តឹង នី មុន្នីនាថ បានជាស្និទ្ធស្នាលនិងគ្នាម្លេះ? ក៏ស្របពេលដែលដំណឹង លោក អ៊ុង សូឡាង ហោះពីអាមេរិកមកកម្ពុជា ដើម្បីពន្លឿនរឿងក្តីឆរបោកនិងរំលោភទំនុកចិត្ត ដែលលោកប្តឹងអតីតគូដណ្តឹង កញ្ញា នី មុន្នីនាថ ទាមទារ​សំ​ណងទឹកប្រាក់ចំនួន១២ម៉ឺនដុល្លារនោះ ។

បែរជាក្នុងបណ្តាញសង្គមក៏ក្លាយជាប្រធានដ៏គួរឲ្យចាប់អារម្មណ៍ថ្មី ជាមួយនឹង អាណិកជនខ្មែរអាមេរិករូបនេះ ជាមួយនឹងរូបថតជាច្រើន សន្លឹកត្រូវបានគេចែកចាយលើបណ្តាសង្គម ដែលថតរួមគ្នាជាមួយ និង កញ្ញា ចាន់ ស្រីរ័ត្ន ក្នុងភាពរីករាយ។ តែយ៉ាងណា ស្រាយនូវចម្ងល់មហាជន នេះ កញ្ញា ចាន់ ស្រីរ័ត្ន បានបញ្ជាក់ថា «នាងគ្មានអ្វី ពាក់ព័ន្ធនឹងលោក អ៊ុង សូឡាង ត្រូវជាអតីត គូដណ្ដឹងកញ្ញា នី មុន្នីនាថ ទេ គឺគ្រាន់​តែជា​មិត្ត​ភ័ក្រ ស្គាល់រាប់អានគ្នា តែប៉ុណ្ណោះ»។ កញ្ញា ចាន់ ស្រីរ័ត្ន បានបញ្ជាក់ទៀតថា ៖ « ខ្ញុំ​ឃើញគេប្រដូច អ្វីដែលបង បានសួរខ្ញុំដែរ កាលពីម្សិលមិញ។ តាមពិតខ្ញុំ និងគាត់អ្វីពាក់ព័ន្ធ ជាមួយគ្នាទេ គឺរាប់អានធម្មតា ហើយ​ការថត​រូប​ហ្នឹង ក៏មិនមែនពីរនាក់ដែរ គឺរូបច្រើននាក់ ហើយខ្ញុំមិនចង់ធ្វើជាអ្នកទី៣ទេ ព្រោះខ្ញុំ​មាន​ម្ចាស់​ចិត្តរួច​ទៅ​ហើយ»៕