ភ្នំពេញ៖ ថ្ងៃ២៧ម្សិលម៉ិញនេះ គឺជាថ្ងៃខួបមរណៈភាព១០០ថ្ងៃ តារាចម្រៀង​ផលិ​តកម្មហង្សមាស អ្នកនាង សាន ស្រី ក្រោម​ស្នាដៃ​ខ្មាន់​កាំភ្លើង​ជាអតីត​ស្វាមី។ ស្ថិតនឹងការចង់ចាំមរណៈភាពដ៏សង្វេកនេះ ប្អូនស្រីពៅ សាន ស្រី​ឡៃ ក៏បង្ហាញពីទិដ្ឋាភាពនៃពិធីបុណ្យខួបគម្រប់មួយថ្ងៃ ជាមួយ​នឹង​ការ​ត្អូញ​ត្អែ​គ្មាន​អ្នកចូលរួម។

ក្នុងវីដេអូឡាយ ប្អូនស្រីរបស់ សាន ស្រីឡៃ បានត្អូញ​ត្អែថា«ថ្ងៃ​បុណ្យ​របស់​បង​ស្រីខ្ញុំពីម្សិលមិញបានអញ្ជើញភ្ញៀវដែរ តែមកតិចតួចណាស់ ហើយ​ព្រឹក​នេះ​ក៏ស្ងាត់ពុំមានអ្នកចូលរួមឡើយ តុនៅទំនេរទាំងអស់។ចំណែក​បងៗ​តារា​មក​បានតែពីរបីរនាក់ទេ»។

ខណៈប្អូនស្រីរូបនេះលើកដៃសំពះអញ្ជើញភ្ញៀវនោះ ក៏បន្តទៀតថា«ខ្ញុំសូមអញ្ជើញបងប្អូនទាំងក្នុង និងក្រៅចូលរួមបុណ្យបងស្រីខ្ញុំផង ហើយបើបងៗចង់ជួយក្មួយខ្ញុំអាទំនាក់ទំនងមកបាន»។