លោក ខេង គុយលី បាននិយាយថា« សូម្បីតែយល់សប្តិ ក៏នឹកមិនដល់ដែរ អារម្មណ៍ខ្ញុំពេលនេះ មិនដឹង​យក​អី​មក​​និយាយឲ្យត្រូវទេបង ធ្លាប់តែធ្វើជាអ្នកឲ្យចំណីបង្កងនៅស្រុកថៃ ខ្ញុំមិនដែលគិតទេថា ថ្ងៃណាមួយនឹង​បាន​ទៅ​​ប្រទេសកូរ៉េ ហើយក៏រឹតតែមិនដែលស្រមៃថា បានឡើងឆាកច្រៀងជាមួយតារាល្បីៗដូចជាបង ខេមរៈ សិរីមន្ត ខេម និង មាស សុខសោភាទេ ដល់ឥឡូវក្លាយជាការពិត…និយាយទៅ ខ្ញុំដូចយល់សប្តិអីចឹងបង»។

លោកបានបន្តថា «ដំបូងឡើយ ដោយសារនិស្ស័យចូលចិត្តសិល្បៈ ខ្ញុំតែងតែច្រៀង Cover បទរបស់​តារាចម្រៀង​ផ្សេងៗ និងនិពន្ធថ្មីខ្លួនឯងខ្លះ បង្ហោះលើហ្វេសប៊ុក និងយូធូប»។ ខេង គុយលី បានពោកទៀតថា ជីវិតរបស់​ខ្ញុំបាន​ជោគជ័យគឺក៏ដោយសារបានជួយជ្រោមជ្រែងពីសំណាក់ឧញ្ញ៉ាវ័យក្មេង ឡេង ណាវ៉ាត្រា ដែលធ្លាប់​ជាពលករ​ដូចគ្នា។លោកបន្តថា “ខ្ញុំចង់និយាយថា អរគុណបងណាវ៉ាត្រា ខ្លាំងណាស់ អ្វីៗដែលបានកើតឡើង គឺខ្ញុំដូច​ទើប​ភ្ញាក់ពីដេកអីចឹង របស់ដែលធ្លាប់តែនៅភក់ជ្រាំ ត្រូវគាត់រើសយកមកលាងទឹក ហើយតម្កល់ជារបស់សំខាន់ ខ្ញុំ ពិតជាមិនដែលស្រមៃទេ ហើយក៏រឹតមិនដែលគិតទៀតថា បានទៅប្រទេសកូរ៉េថែមទៀត»។Image result for ខេង គុយលី