ភ្នំពេញ៖ តារាកំប្លែងជើងចាស់ លោក អ៊ូ ប៊ុណ្ណរ៉ាត ហៅ( នាយក្រឹម ) ក្រោយផ្ទុះរឿងប្រពន្ធស្របច្បាប់ប្រកាសប្តឹងផ្តល់ តារាកំប្លែងរួមក្រុមស្រី លាភ រឿងពួនសម្ងំរួមស្នេហ៍រហូតមានកូនភ្លោះក្នុងផ្ទៃវ័យ៥ខែ ទាំងរំពេចនោះ ត្រូវកូនប្រុសពៅ បង្ហោះ សារវាយប្រហារខ្លួននៅលើបណ្តាញសង្គមឪពុកឈ្មោះ នាយ ក្រឹម តារាកំប្លែងល្បីបានចុះចេញពីផ្ទុះចោលប្រពន្ធនិងកូនៗ ក្រោយផ្ទុះរឿងអាស្រូវ។ ដែលពេលនេះនាយ ក្រឹម ក៏បានចេញមុខមកបកស្រាយនិងថា កូនប្រុសពៅធ្វើនោះព្រោះជឿពាក់គេ ញុះញង់។
ឆ្លើយតបទៅនឹងសារកូនប្រុសពៅខាងលើ នាយ ក្រឹម បានប្រាប់ថា «ខ្ញុំបានចាកចេញពីផ្ទះចោលប្រពន្ធកូនមែន ប៉ុន្តែមិនបានទៅរស់នៅជាមួយតារាកំប្លែងស្រី លាភ ហៅនាង ព្រលឹត ដែលជាប្រពន្ធទី ២ នោះឡើយ គឺខ្ញុំចេញទៅរស់នៅម្នាក់ឯង» ។ តារាកំប្លែងដែលកំពុងរងនូវអាស្រូវស្នេហាត្រីកោណ ធ្វើបាបចិត្តប្រពន្ធដើមនិងកូនៗនោះ លោកក៏បានអះអាងថា «រវោងទំនាក់ទំនាក់ទំនងខ្ញុំ និង កូនៗទាំង ៤ នាក់ គឺនៅដដែល មិនបានផ្លាស់ប្ដូរអ្វីទាំងអស់» ។
នាយ ក្រឹម បានឲ្យដឹងថា «ក្រោយពីកូនប្រុសពៅខ្ញុំ គាត់សរសេរបង្ហោះនៅលើហ្វេសប៊ុកអ៊ីចឹងហើយ ខ្ញុំក៏បានខលទៅគាត់ និងបានពន្យល់គាត់ ក្រោយពីខ្ញុំពន្យល់គាត់រួចរាល់ហើយ កូនខ្ញុំក៏បានសុំទោសខ្ញុំវិញ ហើយខ្ញុំក៏មិនបានខឹងកូនខ្ញុំដែរ ។ ខ្ញុំខឹងអ្នកដែលញុះញង់គាត់ឱ្យសរសេររឿងបែបហ្នឹង» ។
