ឥណ្ឌូណេស៊ី៖ បុរសវ័យ ២៦ឆ្នាំម្នាក់ ត្រូវបានប្រពន្ធវាយយ៉ាងដំណំ ខណៈបើកលុយឲ្យប្រពន្ធ​តិចជាងខែមុន។ ភ្លាមៗនោះ បុរសជាប្តីបីកូនរត់មកប្តឹងប៉ូលីស ដើម្បីជួយអន្តរាគមន៍។ តាមសម្តី ជនរងគ្រោះជាប្តី បានរៀបរាប់ថា «ខ្ញុំបានប្រគល់លុយគាត់ (ប្រពន្ធ) គាត់ឃើញលុយតិច ស្រាប់តែទាញដំបងវាយខ្ញុំ ថែមទាំងហៅប្អូនថ្លៃឲ្យជួយ​វាយថែមទៀតផង»។

ប្រភពដដែលបានបន្តថា «ខែនេះ ខ្ញុំរកលុយបានតិច ព្រោះតែមិនសូវសសម្បូរការងារធ្វើ»។ គួរបញ្ជាក់ថា បុរសនោះ ជាកម្មករសំណង់ ម្ល៉ោះហើយ ការងារមិនសូវទៀតទាត់ប៉ុន្មានទេ ពោលគឺខែខ្លះតិច ខែខ្លះច្រើន។ បុរសដ៏កម្សត់នោះ ត្រូវបានគេដឹងថា ជាកម្មករសំណង់ បានកម្រៃបន្តិចបន្ទួច ដើម្បីទឹកដោះគោឲ្យកូន។ ចំណែកឯ ប្រពន្ធ គ្មានរបរអ្វីពិតប្រាកដឡើយ ហើយនាងតែងឆ្លៀតពេលទៅ​លេងល្បែងស៊ីសង ស្ទើរគ្មានលស់​ថ្ងៃ។