ភ្នំពេញ៖ មុនដឹកនាំក្រុមសិល្បករជាង ២០រូប ចេញទៅសម្តែងនៅប្រទេសកូរ៉េ ឧកញ៉ាវ័យក្មេង ដែល​ធ្លាប់​ហែល​ឆ្លងអតីតកាលជីវិត ធ្វើជាពលករនៅប្រទេសកូន ឡេង ណាវ៉ាត្រា បានប្រកាស បរិច្ចាគថវិកាផ្ទាល់ខ្លួន ៥០​លាន​រៀល ដល់មន្ទីរពេទ្យគន្ធរបុប្ផា ដើម្បីជួយទ្រទ្រង់សេវាថែទាំសុខភាព ដោយឥតគិតថ្លៃ ជូនកុមារកម្ពុជា។

តាមការបង្ហាញពី លោក ហេង ឡុង ប្រធានសមាគមមិត្តសិល្បៈស្មគ្រចិត្តជួយសង្គម បានបង្ហើបនៅមុននេះថា «​ជំនួយមនុស្សធម៌ជួយមន្ទីពេទ្យគន្ធបុប្ផា ពីលោកឧកញ៉ាក្មេង ល្បីជំនួញអចលនទ្រព្យ ឡេង ណាវ៉ាត្រា នឹង​យក​ទៅជូនដោយផ្ទាល់នៅព្រឹកថ្ងៃស្អែក ថ្ងៃទី០២ ខែកុម្ភៈ ឆ្នាំ២០១៨»។ លោក ហេង ឡុង ក៏បានបង្ហាញថា «មួយរយៈចុងក្រោយនេះ លោកឧកញ៉ាក្មេង ល្បីជំនួញអចលនទ្រព្យ ឡេង ណាវ៉ាត្រា បានជួយ​រួម​ចំណែក​លើកិច្ចការជួយសង្គមបានច្រើន ។

ដែលមុននេះ ក្រៅពីជួយអ្នកសិល្បៈចាស់ជរា តាមរយៈសមាគមសិល្បៈស្មគ្រចិត្តជួយសង្គមនិង សមាគមសិល្ប​ករ​ខ្មែរ លោកក៏ធ្លាប់បានបរិច្ចាគថវិកា ជួយដល់កាកបាទក្រហមកម្ពុជាផងដែរ រួមនឹងជួយ​ឲ្យអ្នកសិល្បៈ​យើង​ជា​ច្រើន មានការងារធ្វើជាមួយគាត់ដែរ ។ លោកបានបញ្ជាក់ថា «នៅពេលខាងមុខខ្លីនេះ គាត់នឹង​នាំសិ​ល្បៈ​ខ្មែរ​យើង​ល្បីៗចំនួន២០ដួងទៅសម្តែងនៅប្រទេសកូរ៉េទៀតផង»។