សុគន្ធ និសា ដែល​កំពុង​តែ​ច្បាមប្រជាប្រិយ​ភាពបន្ថែមពី​អាជីព​ចម្រៀង ធ្វើ​ជាគណៈកម្មការ​ប្រឡងចម្រៀងកុមារ​លំដាប់​ថ្នាក់​អន្តរជាតិ​ ក្រោយ​រើបង្វេច​ពីផលិតកម្ម​ថោន ចូល​ទៅ​ទ្រនំចាស់​វិញ ផលិកម្ម​ហង្ស​មាសនោះ ។ នាង​បែរជា​ពោល​ទួញ​ថ្ងូរពី​ឆាកជីវិត​មិន​ថា​ឧបសគ្គណា​ទេដែល​ថា ឆ្លងមិន​ផុត​។

តារាចម្រៀង​ល្បី​និង​វិឌ្ឍន​ខ្លួនផ្ទួនៗ​ទាំង​ធ្វើ​ជាគណៈ​កម្មការ​ប្រឡងចម្រៀង​កុមារលំដាប់​ថ្នាក់អន្តរជាតិ រួម​នឹងការបានតំណែងសម្តែង​តួឯងរឿងភាគផ​​ង​នោះ នាង​បាន​សរសេរ​រៀបរាប់​ថា ផុតមួយថ្ងៃ​ទៀត​ហើយ​ជីវិត​គឺតែ​ប៉ុណ្នឹង​ឯង មើលពី​ម្សិល​ថាថ្ងៃនេះពិបាកខ្លាំងណាស់ តែ​ទោះពិបាកប៉ុណ្ណាក៏​មិន​ដែល​ថា ឆ្លង​មិន​ផុត​ទេ »។ តារាចម្រៀង​កំពុង​ត្រូវ​បាន​មជ្ឈដ្ឋាន​មហាជន​ផ្គួរផ្គង​ថា សម្ផស្ស​ធ្លាក់ចាញ់​អនាគតភរិយា អតិតគូស្នេហ៍ នាង​ សុគន្ធ និសា បន្តនូវ​សារ​បង្ហាញ​ពី​ភាពរឹកមាំរបស់​ខ្លួនថា រៀនរស់​កុំខ្លាចថ្ងៃស្អែក បើសិនជាខ្លាច​ សាករាប់​ទៅ​មើល​ថា យើង​ឆ្លង​ផុតម្សិលមិញ​ប៉ុន្មានដងហើយ»។ នាង​ក៏​បាន​បញ្ជាក់​ទៀតថា រាប់​ទៅ​នឹង​ដឹងថាស្អែករាប់ពានដងទៀតក៏គ្មានអ្វី​គួរឲ្យខ្លាច»។

ពាក្យ​ពេចន៍​លេច​ន័យ​ទួញថ្ងូរពីតារាចម្រៀង​ល្បី​ឈ្មោះក្នុង​ផលិតកម្ម​ហង្ស​មាស នាង សុគន្ធ និសា ត្រូវបាន​គេមើល​ឃើញ​ថា ហាក់​លេច​ឡើងក្រោយ​ពី​អតី​តគូស្នេហ៍​លោក សុខ ជំនោរ​ ដែល​បែកគ្នាតាំងពីកន្លះ​ទស្សវត្សនោះ បង្ហា​ញ​​ពិធីភ្ជាប់ពាក្យ​នឹង​នារី​វ័យ​ក្មេង​ ខណៈ​មាន​ការ​ផ្គួរផ្គងថា អនាគត​ភ​រិ​យា​​កវី ងា​រអភ័ព្វស្នេហ៍​កន្លងមក លោក សុខ ជំនោរ ហាក់​មាន​ការ​ចំ​អ​ក​ចំ​អន​ ដែ​ល​ភ្ជា​​ប់​នឹង​រូបនាង ដែល​ថាសម្ផស្សមិន​ចាញ់ សុគន្ធ និសា អ​តី​ត​នោះ​ប៉ុន្មានទេ​។

ជាមួយគ្នានោះ តារាចម្រៀងល្បី និង​កំពុង​ត្រូវបានមហាជន​ចំអកចំអនថា សម្ផស្ស​ចាញ់​គូស្នេហ៍ថ្មី​របស់​អតីតម្ចាស់ស្នេហ៍កាលគ្រាប្រឡូកសិល្បៈ​ដំបូងនោះនាង ក៏​បាន​រំឭកខ្លួន​ឯងបន្ថែម​ទៀតថា កុំយកក្តីសុខខ្លួន​ឯង​ ផ្ញើរនឹងការតបសេចក្តីស្រឡាញ់ពីអ្នកដទៃ ។