ភ្នំពេញ៖ ក្រោយពីផលិតកម្មយក្ស​ហាក់មិនអើពើ តារាចម្រៀងម្ចាស់ពាន The Voice Cambodia ប៊ុត សីហា ធ្វើឲ្យលោកឈឺចិត្តស្អិតទ្រូង រត់ទៅដេកសំងំ​នៅផ្ទះទាំងក្តីអស់សង្ឃឹម។ ទន្ទឹមនឹងក្តីអស់សង្ឃឹម លេចឮដំណឹងថា មានផលិតកម្មមួយបានទទួលយកតារាចម្រៀង ប៊ុត សីហា ដើម្បីកសាងកេរ្តិ៍ឈ្មោះឡើងវិញ។

ប៉ុន្មានថ្ងៃក្រោយមក តារាចម្រៀង ប៊ុត សីហា ត្រូវបានមហាជនសន្និដ្ឋានថា ចូលផលិតកម្មថោន ខណៈកញ្ញា រ៉ាប៊ី បានបង្ហោះរូបជាមួយលោក និងបានសរសេរថា «និយាយលេងពីនេះពីនោះ»។ ក្នុងទិដ្ឋភាពអង្គុយរួមតុនោះ ឃើញមានឯកសារ​បួនប្រាំច្បាប់ផងដែរនៅលើតុ ដែលបញ្ជាក់បានថា ប៊ុត សីហា បានចុះកុងត្រាជាមួយផលិតកម្មថោន។

យ៉ាងណាមិញ ដំណឺងនេះ ត្រូវបានមហាជនទូទៅមានការគាំទ្រយ៉ាងច្រើនសន្លឹក ព្រោះ​មើលឃើញថា លោកមានក្រឡាអាចល្បីឡើងវិញ ហើយបើនៅខាំមាត់សង្កត់ចិត្តជាមួយផលិតកម្មដើម ក៏តារាចម្រៀងរូបនេះគ្មានឱកាសល្បី​ទៀតទេ៕