ភ្នំពេញ៖ នៅលើហ្វេសប៊ុកអ្នកនាង សែ ចាន់ឌី ដែលមហាជនស្គាល់ថា ជាភរិយាជាទីស្រ​លា​ញ់​ របស់តារាចម្រៀងលោក ឆាយ វីរៈយុទ្ធ ក៏បានផុសរូបបង្ហាញពីការត្រៀមសម្ភារៈសិ​ក្សា​ចែ​ក​ជូនសិស្សនៅទីដាច់ស្រយាលខេត្តកំពង់ឆ្នាំ។ ខណៈនោះ តារាចម្រៀងល្បីជាស្វាមី ក៏ចេ​ញ​សា​រអំពាវនាវអ្នកគាំទ្រឲ្យជួយបន្តការងារដ៏ប្រពៃរបស់ភរិយានោះផងដែរ។

តាមការបង្ហាញពី អ្នកស្រី សែ ចាន់ឌី ភរិយាប្រពន្ធ តារាចម្រៀង ឆាយ វីរៈយុទ្ធ បានសរ​សេ​រ​​សាររៀបរាប់ថា «នៅថ្ងៃនេះអ្នកនាងបានរៀបចំនូវសៀវភៅសរសេរចំនួន ១០០ ក្បាល និ​ង​​ប៊ិចចំនួន ១០០ ដើមដូចគ្នា សម្រាប់ជួយទៅដល់សិស្សានុសិស្ស ដែលមានជីវភាពខ្វះ​ខា​ត​​ និងកំពុងជួបការលំបាក។

ដោយក្មេងៗទាំងនោះគឺរស់នៅតំបន់ដាច់ស្រយាល ក្នុងសាលាបឋមសិក្សា «កំពង់បាស្រូវ» ស្ថិតនៅក្នុងឃុំកំពង់បាស្រូវ ភូមិជល់សារ ស្រុកជល់គីរី ខេត្ត កំពង់ឆ្នាំង។ រំពេចនេះក្នុងគ​ណ​​នី តារាចម្រៀង ឆាយ វីរៈយុទ្ធ បានស៊ែររូបភាពនិងសារបង្ហាញពីសកម្មភាពមនុស្សធម៌​ដែ​លប្រពន្ធបង្ហោះផ្សព្វផ្សាយ និងបានសរសេរទទួចសុំឲ្យអ្នកគាំទ្រថា បងប្អូនជួយស៊ែរបន្តម្នាក់មួយុមក ដើម្បីឲ្យបងប្អូនបានដឹងផង»។

អ្នកនាង សែ ចាន់ឌី ភរិយាតារាចម្រៀងល្បីឈ្មោះប្រចាំផលិតកម្មសាន់ដេ លោក ឆាយ វីរៈយុទ្ធ ក្រៅពីមានរូបស្អាតហើយ នៅមានចិត្តល្អជួយដល់កុមារក្រីក្រថែមទៀតផង គួរឱ្យសរ​សើរ​ទឹកចិត្តណាស់៕