ភ្នំពេញ៖ ដោយសារតែតារាសម្ដែងជើងចាស់អ្នកនាង អម្ពរ ទេវីអាចសម្ដែងបានគ្រប់ទម្រង់ទាំងអស់ ជាពិសេ​ស​គឺតួអង្គបែបក្រមិចក្រមើម ធ្វើឲ្យមហាជនដែលបានទស្សនាហើយជក់ចិត្តដិតអារម្មណ៍ ចំពោះស​មត្ថភាពពុំអា​ច​​​​​កាត់ថ្លៃបាន។ជាមួយគ្នានោះតួឯកប្រុសក្នុងរឿង “នាងរក្សា” ប៊ុត សារ៉ាវុធ បានលើឡើងថា«តារាសម្ដែងស្រីមួ​យ​រូបអាចឆក់យកបេះដូងខ្ញុំបានដោយមិនដឹងខ្លួនគឺអ្នកនាង អម្ពរ ទេវី» ។

តារាសម្ដែងប្រុសរូបនេះបន្តទៀតថា«ខ្ញុំបានរៀនសូត្រពីគាត់នោះ គឺការសម្ដែង នៅពេលខ្ញុំបានថតរឿង “ទឹកចិ​ត្ត​​ម្ដាយសម័យថ្មី” ជាមួយគាត់ ទោះបីខ្ញុំមិនដែលជួបគាត់ផ្ទាល់ពីមុនមក តែមានអារម្មណ៍ថាស្និទ្ធស្នាល ដូចម្ដា​​យ និងកូនបង្កើតហើយខ្ញុំស្រលាញ់ និងគោរពគាត់ណាស់»។

យ៉ាងណាមិញ ប៊ុត សារ៉ាវុធ ចង់ថតរឿងជាមួយអ្នកនាង អម្ពរ ទេវី ជាថ្មីម្ដងទៀត ព្រោះការត្រលប់មកសម្ដែងរឿងជាលើកទី២នៅប្រទេសកំណើត លោកមិនមានវត្តមានសម្ដែងជាមួយតារាសម្ដែងជើងចាស់រូបនេះឡើយ ។