ភ្នំពេញ៖ មានសំនួរជាច្រើនពីមជ្ឈដ្ឋានសង្គមបានផ្ទុះឡើង ក្រោយព័ត៌មានបាន​បង្ហាញពីភាព​អស្ចារ្យនៃ​សម្ភារៈ​និ​យម​​បុរសវ័យក្មេង ដែលមានទាំងអង្គរក្សតាមការពារផង ដែលត្រូវបានគេទម្លាយថា មានឪពុកពាក់​ផ្កាយ២​លើ​ស្មា បានបើករថយន្តស៊ើរីទំនើប៥៧០អត់ពាក់ស្លាកលេខ រួមទាំងល្មើសច្បាប់ចរាចរទៀតផង។

សំនួនទាំងនោះ បានពោលក្នុងអារម្មណ៍ភ័យខ្លាចថា «តើពួកយើងជាប្រជាពលរដ្ឋ អាចទ្រាំរស់នៅក្នុងសង្គម ដែល​អ្នក​មានអំណាចលុយកាក់ ខ្លាំងដូចខ្លា ចំណែកយើងត្រឹមតែជាសំរាម គ្មានតម្លៃក្នុងកែវ​ភ្នែកពួកអ្នក​មាន​អំណាច​អញ្ជឹង​​បានដែររឺទេ? ក្នុងនោះពួកគេក៏បានបង្ហាញថា «បងប្អូនមើលរឿងនេះជាក់ស្តែងចុះ!!តើបងប្អូនឈឺចាប់ទេ ពេលដែលឃើញរឿងបែបនេះ? វាត្រឹមតែជាកូនផ្កាយ២សោះ មានឡាន៥៧០ជិះ(ឡានអត់ស្លាកលេខទៀត) មាន​ទាំង​អង្គរក្ស(អង្គរក្សមានកាំភ្លើងកាន់ទៀត)ជិះឡាន Mazda តាមការពារពីក្រោយ លើសមន្ត្រីរដ្ឋាភិបាល​ធំៗខ្លះ​ទៀត។

បងប្អូនសាកគិតមើល នេះវាបញ្ចេញចរិតទំនើងរបស់វាគ្មានខ្លាចអ្នកណាទាំងអស់ ហើយចេះប៉ះចំលោក ផ្កាយ១ ដែលលោកផ្កាយ១ខ្លាំងដែរ ក៏ស្រែកតវ៉ាការពារខ្លួនបានខ្លះៗដើម្បីរកយុត្តិធម៌ ចុះបើវាធ្វើប៉ះ​ចំប្រជាពល​រដ្ឋតូច​តាច​ធម្មតា សួរថាតើវាជាន់ក្បាលមើលងាយមើលថោក រឺចង់បាញ់សម្លាប់យើងប៉ុណ្ណាទៅ? វាចាត់ទុកជីវិតយើងជាពល​រដ្ឋ​ធម្មតា មិនស្មើនិងឆ្កែនៅផ្ទះវា រឺមិនស្មើនិងសត្វរុយផងក៏មិនដឹង សួរថាឈឺចាប់ទេ?