ភ្នំពេញ៖ កាលពីម្សិលមិញ ថ្ងៃទី៧ ខែកុម្ភៈ ឆ្នាំ២០១៨ ព្រះ​ករុណា​ ព្រះបាទ​ សម្ដេច​ព្រះ​បរម​នាថ​ នរោត្តម​ សីហមុនី​ ព្រះមហាក្សត្រ​ នៃ​ព្រះរាជាណាចក្រ​កម្ពុជា​ និង​សម្ដេច​ព្រះ​មហាក្សត្រី​ នរោត្តម​ មុនិនាថ​ សីហនុ​ ព្រះវររាជមាតាជាតិខ្មែរ​ ជាទីគោរពសក្ការៈដ៏ខ្ពង់ខ្ពស់បំផុត​ ព្រះ​អង្គ​ទាំង​ទ្វេ​ សព្វព្រះរាជហឫទ័យ​ ស្ដេច​យាង​ជា​ព្រះ​រាជា​ធិបតី​ភាព​ដ៏​ខ្ពង់​ខ្ពស់​បំផុត​ នៃពិធី​សម្ភោធ​ដាក់អោយប្រើប្រាស់ជាផ្លូវការ នូវអគារមន្ទីរពេទ្យបង្អែកសម្តេចឪ-សម្តេចម៉ែ។

អគារថ្មី នៃមន្ទីរពេទ្យបង្អែក សម្តេចឪសម្តេចម៉ែ មួយខ្នងនេះ មានកម្ពស់២ជាន់ មាន១៩បន្ទប់ ស្ថិតក្នុងសង្កាត់ ច្រាំងចំរេះ ខណ្ឌឫស្សីកែវ រាជធានីភ្នំពេញ។ សម្រាប់បម្រើដល់វិស័យសុខាភិបាល និងសុខមាលភាពជួនប្រជាជនកម្ពុជា៕