អ៊ុន អាលីហ្សា ចូលធ្វើ​ប៉ូលីសពាក់ស័ក្ក១មិនតាម​ខ្សែរទេ

ភ្នំពេញ៖ កញ្ញា អ៊ុន អាលីហ្សា ដែល​គ្រប់​គ្នាស្គាល់ថា ជាតារាចម្រៀ​ង​សម្តែង​និង​ម៉ូដែល​ ដែល​​មាន​រូប​សម្ផស្ស​ស្រស់​ផូផង ពេលនេះ​នាង​ក៏​បាន​ប្រកាសខ្លួន​ថា រូបនា​ងក៏​បាន​ក្លាយ​ជា​ប៉ូលីស​ស្រីពេញសិទ្ធ​ក្នុងក្របខណ្ឌ​ក្រសួង​មហាផ្ទៃ​ហើយ ហើយ​ក៏​បានបញ្ជាក់​ផងដែរថា ពេលនេះ​នាង​​ពាក់ស័ក្កមួយ​លើស្មារផង​ដែរ​​។

ក្រោយ​ការត្អូញត្អែថា ខ្លួន​ជាស្រីនិង​ជាតារាដែល​ដឹង​តែ​ពីការ​ថែរក្សាសម្ផស្ស​បន្ទំស្បែក តែពេល​ចូលហ្វឹកហាត់​ច្បាប់​វិន័យ​ប៉ូលីស មួយថ្ងៃពីរថ្ងៃដំបូ​ង​មិន​ទាន់អី​នៅ​គិតថាខ្លួនជាតារា​ នៅ​មាន​ឡេម្សៅ​ក្រែមជាប់ខ្លួន​ជាប់ថ្ពាល់​ លុះ​ដល់មួយសប្តាហ៍​ឡើងសូម្បី​តែសកក៏​សិត​មិនទាន់​​ផង ឮតែកញ្ច្រែររត់ចូលជួរភ្លាមៗ បើចឹងទេមិន​ទាន់គ្រូពិន័យ​ ។ អាលីហ្សា បញ្ជាក់​ទៀត​​ថា «ពេលនោះ​លែង​គិតពី​ការថែរក្សាសម្ផស្សហើយ បើអាល័យតែរឿងនោះ ទៅហាត់មិន​ទាន់មេពិន័យ​ ចឹងដូចគេដូចឯងដែរ លែងគិតថាខ្លួនជាតារាហើយ​»។​​

តែយ៉ាងណា អាលីហ្សា ជាតារាសម្តែង​និង​ចម្រៀងដ៏​មាន​ប្រជាប្រិយ​ភាព​រូបនេះ ក៏​បាន​អះអាងថា ពេលនេះ​នាងបាន​ហ្វឹកហាត់ចប់មួយ​វគ្គហើយ ហាត់នៅ​សាលាប៉ូលី​សនៅគៀនស្វាយ​ រយៈ​ពេល៦ខែ និង​ក្រោយនេះ​ទៀតទៅ​ហាត់នៅត្រែងត្រយ៉ឹង​រយៈពេល៣ខែបន្ត​ទៀត។ ​

​តែ​នាង​ក៏​បាន​បញ្ជាក់​ទៀតថា «ពេលនេះ​ខ្ញុំពាក់ស័ក្កមួយ​ តែជាសមទ្ធិផលខំហ្វឹកហាត់ ពីសមត្ថភាព​និងការតាំង​ចិត្ត​​មិនមែន​ឡើង​តាម​រយៈ​ខ្សែកន្លុះជ្រោមជ្រែងពីខាងណានោះ​ដែរ​។